Category: Фестивали

Чулöтöмлöн места: Косинскöй округ, Бачманово деревня, Дом культуры одзын (фестиваль öтöрын). Фестиваль – Гаврилов лун вежалунлöн реконструкция. Бачмановоын эта лунö пыр чулöтлiсö благодарственнöй молебен, медбöрья турун ытшкöм, керкуэзöт гармошкаöн ветлöтöм, потшшуйтöм да деревняись улицаэзын кадриль. Фестивальлöн гöссез вермасö участвуйтны традиционнöй йöктанлiсь зорöтöм да орсыштны шумовöй оркестрын. Мероприятие чулöтсьö «59 фестивалей 59 региона» проект сьöртi.

Чулöтöмлöн места: Гайнскöй округ, п. Гайны, Лугдын урочище вылын мыс (фестиваль öтöрын). Посёлок Гайны — коми-пермяцкöй эпосiсь геройлöн Пера-богатырьлöн чужанiн. Вежалун вылын чулалас «Пера-богатырские забавы» нима конкурс, аканнез-обереггез, набойка, кыйöм да вурöм сьöртi мастер-классэз, декоративно-прикладнöй искусствоись изделиеэзлöн выставка-продажа. Лоасö аркмöтöмась музей, гожся лыддьöтан зал, а ипровизированнöй сцена вылын чулаласö народнöй творчестволöн коллективвезлöн выступленнёэз. Фестивльлöн гöссез вермасö пешлыны асьнысö лучниккезöн, ысласьны Камаöт катер вылын, кыйны чери и пешлыны черива бипур вылiсь. Мероприятие чулöтсьö «59 фестивалей 59 региона» нима проект сьöртi.

Чулöтöмлöн места: Кудымкар, ул. 50 лет Октября, 12. Фестиваль лоас площадкаöн орсанкöт да Перем крайись да Россияись мöдiк регионнэзiсь орсан культуракöт тöдсасьöм понда. Татöн народнöй орсаннэз оссясö кыдз пöриссезсянь томмезлö, öтiк йöзсянь мöдiк йöзлö традицияэз сетöмлöн ловья механизм. Гырись йöз велöтас челядьсö важ орсаннэзö, сьыланкыввезö да йöктöммезö, а челядь мыччалас, кыдз керны нiйö популярнöйезöн öнi. Фестивальлöн ыджыт ассяма программа. Сыö пырöны конкурссэз, выставкаэз, презентацияэз, показзэз да концерттэз. Торья дзарньöв сетсьö творческöй лабораторияэзлö да мастер-классэзлö. Жанррез быдкодьöсь: музыкальнöй да йöктансянь декоративно-прикладнöй искусствоöдз, театрöдз да модаöдз. Гöссез, кöдна локтасö мероприятие вылö аканьöн (орсанöн) лоасö «С другом на праздник!» нима акциялöн участниккезöн и получитасö организаторрезсянь «комплимент». Мероприятие чулöтсьö «59 фестивалей 59 региона» нима проект сьöртi.