Сентябрь мöдö лоны öддьöн яркöйöн ны понда, кин павкöтчö бы коми-пермяккезлöн ловья культура дынö. Талун ни Санкт-Петербургын пондöтчö «ЛЮБИТÖМ» (18+) нима фестиваль: вит лун сценатöм спектакллез, перфоопера, шыа прогулкаэз да коми-пермяцкöй рейв, кытöн важ обряддэз öтлаасьöны öння искусствокöт. Сентяб 13 лунö Кудымкарын гöссезöс видзчисьö «Тырдоз» (0+) — урожайлöн вежалун фермерскöй ярмаркаöн, народнöй орсаннэзöн, конкурссэзöн да концерттэзöн, кöда öтлаöтас округись олiссезöс да гöссезöс арся хороводын.
«ЛЮБИТÖМ» (18+) нима коми-пермяцкöй культуралöн фестиваль
Лун: сентябрь 10-14 луннэзö.
Места: Севкабель Порт да остров Новая Голландия (Санкт-Петербург).
«ЛЮБИТÖМ» – этö витлунся фестиваль, кöда йитöм коми-пермяккезлöн ловья культуракöт. Перемын июльскöй премьера бöрын, кöр мероприятие öктiс уна видзöтiсьöс, фестивальлiсь программа мыччаласö Санкт-Петербургын. Гöссезöс видзчисьö öння интерпретация коми-пермяккезлöн важ традицияэз искусство, музыка да перформанссэз пырйöт.
Фестивальлöн программаын::
- «Земля говорит» – спектакль, кöдаын абу сценаэз да зал, а видзöтiссез öтласа пространствоын актеррезкöт да лоöны участниккезöн действолöн, кöдаын история да современность öтлаасьöны перформативнöй открыткаö, йиджöм ностальгияöн да шонытöн.
- «Звýры» – звуковöй прогулка Петербургöт коми-пермяцкöй кыв вылын.
- «Прикосновение» – иммерсивнöй аудиотелеснöй перформанс, «нео-обряд» коми-пермяккез йылiсь, кöдаын видзöтiссез лоасö матынжык öтамöд дынö.
- «Улетают птицы» –перфоопера кассетных плееров на коми-пермяцком языке, которая станет встречей с тишиной и памятью. Никаких кресел — только природа, дыхание и птицы.
- Коми—пермяцкая йога чушыктöм да внимательность вылö небыт практика.
- «К реке» — камернöй история, кöдаын текст кывтö, кыдз ва: жагöна, нюжвыла да öддьöн матын.
- Пемдагдор дынö матöжык корабль вылын чулалас «Коми-пермяцкий рейв», кытöн öтлаасясö ди-джей-сеттэз да фольклор, обряддэз да биттэз.
- Событиеэзлöн кытшöмкö тор пондас чулöтсьыны предварительнöй регистрацияöн, öтöрся активносттез – сьöмтöмöсь быдöс понда. Местаэзлöн бронированнё да расписаннё сьöртi информация мест – НМХТ проектлöн официальнöй каналлэзын: ВКонтактеын — https://vk.com/nemhat, Telegramын — https://t.me/nemxat. Фестиваль бöрын позяс кывзыны подкасттэз «В тишине» коми-пермяцкöй кыв вылын Яндекс.Музыка вылын да видзöтны йифровöй материаллэз Telegramын. Фестиваль чулöтсьö Перем крайись кульутра сьöртi Министерство отсöтöн.
«Тырдоз», урожайлöн—вежалун-ярмарка (0+)
Лун да кад: сентябрь 13 лунö 10:00 чассянь.
Места: Кудымкарись карлöн площадь (200 км Перемсянь).
«Тырдоз» - вежалун, кöда йитöм сельскохозяйственнöй сезонлöн помкöт да вöрвалöн козиннэзкöт. Гöссезöс видзчисьö ыджыт ярмарка свежöй фермерскöй продукттэзöн, ас киöн керöм сувениррезöн да традиционнöй коми-пермяцкöй сёяннэзöн. Татöн паськöтасö интерактивнöй площадкаэз: народнöй орсаннэз да хороводдэз, традиционнöй ремёслоэз сьöртi мастер-классэз, фотозона, гиряэз лэбтöм сьöртi вермасьöммез.
Сiдзжö чулалас «Арся карнавал» нима семейнöй конкурс да «Тырдоз сувенир» нима арся лотереялöн розыгрыш дона козиннэзöн. Сцена вылын мыччасясö Коми-Пермяцкöй округись творческöй коллективвез – ансамбллез «Югӧр» да «Шондiбан», а лун помын – Верещагиноись казачöй ансамбль.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöc актуальнöй информация Коми-Пермяцкöй округлöн фестиваллез йылiсь верматö тöдны сайт вылын да социальнöй сеттезын.
Фото: Никита Маталасов и КДЦ г. Кудымкар.
Русский