Медодззаись медбöрья 27 воö Перемись культуралöн институт öктö коми-пермяцкöй актерскöй студия. Аркмöм курс лоас öкмысöт театрлöн быдöс историяын. Кывзöм дынö корöны нывкаэзöс да зонкаэзöс 17-сянь 23-öдз коми-пермяцкöй кыв тöдöмöн. Быдöс абитуриенттэскöт, кöдна бура сетасö вступительнöй испытаннёэз, лоас гижöм договор, кöда обязательно сетö удж понда места Коми-Пермяцкöй национальнöй театрын.
Абитуриенттэзöс видзчисьö велöтчöм «Актёрское искусство» направленнё сьöртi, специализация — «Артист драматического театра и кино». Юравны курсöн пондас Марина Оленёва, ПГИК-ись режиссуралöн да актёрлöн мастерстволöн кафедраись доцент, РФ-лöн культураись заслуженнöй работник, «Новая драма» нима камернöй театрлöн художественнöй руководитель.
Велöтчöм пондас чулавны очнöй форматын 2025 вося сентябрьсянь. Программа лыддьöм нель во кежö. Кывзöм вылö корöны томпöлöс 17-сянь 23-öдз. Öддьöнжык пондасö видзöтны ны вылö, кин тöдö коми-пермяцкöй кыв. Быдöс босьтöм студенттэзлö сетасö места общежитиеын да стипендия.
Вступительнöй испытаннёэз кежö колö лöсьöтны кынымкö литературнöй произведеннёэзiсь программа да мыччавны тöдöммез искусство сьöртi. Кывзöм коста ковсяс мыччавны сценическöй этюд воображеннё вылö.
Абитуриенттэз, кöдна чулаласö вступительнöй испытаннёэз, вермасö гижны целевöй договор Коми-Пермяцкöй национальнöй театркöт. Договор сьöртi выпускниккезлö обязательно сетасö удж театрын да оланiн. Уджавны договор сьöртi ковсяс вит во коста.
«Мöдiк воö миян театрлö тырас 95 во, и сiя öкмысöт национальнöй студия историяын. Эпохальнöй событие, содтöмтöг! Натьтö, предложеннё гленитчас уна выпускниклö – бытшöм вуз, кипода наставник юралiсь туйö, ыджыт отсöт театрсянь велöтчöм коста и сыбöрын», - висьталö Коми-Пермяцкöй театрлöн юралiсь Анатолий Четин.
Абитуриенттэзлöн кывзöм чулалас Коми-Пермяцкöй театрын Кудымкар кар, Гагарина ул., 6 адрес сьöртi. Лун йылiсь висьталасö сэсся. Унажык кывзöм йылiсь позьö юавны телефоннэзöт: (34260) 4-88-52, 4-88-54.
Перемись культуралöн институтö шедöм йылicь информация: https://pgik.ru/abitur
С требованиями к поступающим можно ознакомиться на сайте театра: https://teatrkpo.ru/media/news/nabor-v-komi-permjackuju-aktjorskuju-studiju/
Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн.
Контактöй морт йитöт понда:
8 912 060 80 90, Дина Полина, Коми-Пермяцкöй округлöн сё во кежö проектнöй офислöн пресс-служба
Русский