С 11 по 16 августав Коми-Пермяцком национальном драматическом театрАвгуст 11 лунсянь август 16 лунöдз Коми-Пермяцкöй национальнöй драматическöй театрын чулалас «Живая классика» нима том режиссеррезлöн öкмысöт лаборатория. Тавося тема: «Сто лет тому вперёд». Тема этого года: «Сто лет тому вперёд».
Лаборатория-2025 решитiсö йитны литературакöт фантастика да фэнтези жанррезын. ТАЛУН Нiя направленнёэс öддьöн популярнöйöсь искусстволöн быдкодь виддэзын, но театральнöй сцена вылын мыччасьöны етша.
Уськöтамö тöдвылö «Живая классика» нима лабораториялiсь пытшкöссö: корöм том режисеррез етша кад коста сувтöтöны спектакллезлiсь эскиззэз, кöднö сэсся видзöтö публика да эксперттэз. Уджжез, кöдна понда сетасö бур отзыввез, вермасö лоны вежыштöмöсь, вайöтöмöсь помöдз да пыртöмöсь театрлöн репертуарö, а режисеррез корöмöсь одзза постановкаэз понда.
Участниккез::
• Полина Алёхина (Санкт-Петербург), «Стальной сад», А. Азимов произведеннёэзлöн мотиввез сьöртi;
• Анна Морозова (Калининград), А. и Б. Стругацкие «Малыш»;
• Никита Огарков (Москва), С. и М. Дяченко «Луч»;
• Константин Соя (Санкт-Петербург), К. Патерсон «Мост в Терабитию» (Рита Кадацкаялöн инсценировка);
• Ксения Отинова (Кудымкар), Д. Харауэй «Манифест киборга».
Лабораториялöн эксперттэз театральнöй критиккез Мила Денёва (Москва) да Алиса Фельдблюм (Санкт-Петербург).
Анатолий Четин, Коми-Пермяцкöй театрлöн юралiсь: Четин, директор Коми-Пермяцкого театра:
— Уна колана тема мийö лэбтывлiмö «Живая классика» вылын. Баитiмö национальнöй самосознаннё йылiсь, мирлöн хрупкость йылiсь, поколеннёэзлöн отношеннёэз йылiсь. Öнi мийö решитiмö пешлыны популярнöй жанррез – фантастика да фэнтези. Кытшöм сэтчин уна интереснöй тема, ёся юасьöммез да сьöлöмвöрзьöтана образзэз! Том режисеррез радöн босьтсисö эта удж бердö, миянлö локтiс уна заявка (мый понда быдöнныслö ыджыт аттьö). И вот лаборатория пондöтчис, театр юрнас пырис уджö, и мийö öддьöн видзчисямö помся мыччалöммез!
Коми-Пермяцкöй театр понда этö öкмысöт лаборатория. Медодзза бöрын, кöда чулалiс 2017 воö, тетарлöн репертуарын шогмис Вера Поповалöн А. Чехов (16+) сьöртi «Чёрный монах» нима спектакль, сыбöрын сiя вöлi номинируйтöм «Золотая Маска» нима Российскöй национальнöй театральнöй премия вылö вит номинацияын. Одзза лабораторияись участниклöн Камиль Гатауллинлöн «Станционный смотритель» нима творческöй удж пырис театрлöн репертуарö.
Режисеррезлöн мыччалöм чулалас август 16 лунö 12:00 часö. Билеттэз пондасö вузассьыны чожа ни.
Лаборатория аркмöтöм Перем крайись культура сьöртi Министерство отöтöн. Лабораториялöн чулöтöм пырö Коми-Пермяцкöй округлöн сё во порйöтöмлöн событийнöй линейкаö.
Русский