Август 2 лунö Кудымкарскöй округись Мижуева деревняын порйöтасö вежалун, йитöм сур нима традиционнöй солодовöй юанкöт — коми-пермяцкöй кухнялöн медшöр символкöт. Гöссезöс видзчисьöны мастер-классэз, орсаннэз, фольклор, деревенскöй горлöн лэбтöм да, конечно, сурлöн пешлöм. Атмосфера — кыдз Октоберфест вылын, только коми-пермяцкöй ловöн.
«Бур сур» (0+) нима вежалунся программа пондöтчас 11:30 «Чышкам-куралам» нима квест-орсансянь. Участниккез ветласö рудзöга ыб вылын, сюкосьтанын, мельничаын да «Хлеб на дровах» нима пекарняын. Мöдiк выезд маршрут сьöртi — 14:30.
Лун: август 2 лунö, 11.30-сянь.
Места: Мижуева деревня, Кудымкарскöй округ (217 км Перемсянь).
Фестивальлöн медшöр программа пондöтчас 14:00. Гöссезöс видзчисьö сур пешлöм да сы керöм понда дозмуклöн выставка. Участниккез тöдасö, кыдз керöны коми-пермяккезлiсь национальнöй напиток да кытшöм ингредиенттез используйтöны хозяйкаэз. Медшöр событиеöн лоас «Сур керку»-ын гор лэбтöм.
Локтiссез понда пондасö уджавны тематическöй площадкаэз:
- «Лов здоров, зорам да ов» нима здоровьелöн лавка – тагись, чужись да туруннэзiсь продукция вузалöм;
- «подушкаэз-узянкаэз» керöм да мöдiк мастер-классэз народнöй ремеслоэз сьöртi;
- вузасиссез коласын «Сур мастер» нима конкурс – жюри донтас юаннэз, кöдна керöмöсь традиционнöй рецепттэз сьöртi;
- гастрономическöй пызан сёяннэзiсь, керöмöсь чужись, суслоись да сурись («СУРиада» нима конкурс сьöртi);
- «Как готовили мы сур» нима творческöй выступленнё («СУРиада» нима конкурс сьöртi).
Помассяс фестиваль «Сур базар» нима ыджыт ярмаркаöн, кытöн позяс босьтны национальнöй юаннэз да местнöй кипода морттэзлiсь берся. Фестиваль чулöтсьö «59 фестивалей 59 региона» нима краевöй проект сьöртi Перем крайись культура сьöртi Министерство отсöтöн.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын да социальнöй сеттезын..
Информационнöй справка:
Сур – коми-пермяккезлöн традиционнöй напиток унавося историяöн. Сiйö керöны чужись да бражноись горын ассяма технология сьöртi, кöдö сетöны поколеннёись поколеннёö. Быд хозяйка видзö тöдвылын ассис рецепт. Талун юанлiсь керöм рецепттэз тöдöны унажык пöриссез. «Бур сур» нима фестиваль отсалö кольны тöдвылын важ традицияэз: татöн кужись инькаэз торйöтчöны тöдöммезнаныс томмескöт.
Русский