Октябрь 19-26 луннэзö
Чулöтöмлöн места: Кудымкар, Горький нима Коми-Пермяцкöй национальнöй драматическöй театр (ул. Гагарина, 6).
Кудымкарö локтасö театррез Арменияись, Татарстанiсь, Удмуртияись, Карелияись, Марий Элiсь, Ханты-Мансийскöй автономнöй округись да Перем крайись. Фестивальнöй программаын — национальнöй кыввез вылын спектакллез. «Сообщение» сiдзжö лоас сёрнитöмöн да опытöн вежсьöмöн Россияись да зарубежьеись национальнöй театррез коласын, нылiсь актуальнöй темаэз да видзöтiссезкöт баитöмлöн способбез исследованнё.
Таво медодззаись фестиваль «Сообщение» вылын лоас онлайн-программа. Спектакллезлöн видеоверсиэязлöн показзэз бöрын видзöтiссезöс видзчисьö нылöн обсужденне эксперттэзкöт.
Показзэзлöн итоггез бöрын жюри Евгении Тропп, Наталья Каминская, Наталья Жемгулене да Камиля Тукаева составын бöрьяс фестивальлöн Гран-при-лiсь обладательöс да вермиссезöс «Лучшая работа режиссёра», «Лучшая мужская роль», «Лучшая женская роль» да «Лучшая работа художника» номинацияэзын.
Фестивальлöн программнöй директор — Татьяна Тихоновец, РФ-ись культуралöн заслуженнöй работник, театральнöй критик, искусствоведеннёлöн кандидат.
Сiдзжö фестиваль коста чулаласö творческöй пантасьöммез, лекцияэз, мастер-классэз, выставкаэз, Коми-Пермяцкöй округöт экскурсияэз объектов культурнöй да историческöй наследиелöн объекттэз видзöтöмöн, коми-пермяцкöй народлöн культуракöт да традицияэзкöт тöдсасьöмöн.
Программа фестиваля «Сообщение» доступна по ссылке https://teatrkpo.ru/media/news/festival-soobshhenie-2025/
Билеты на фестиваль — в разделе Афиша https://teatrkpo.ru
Русский