Чулöтöмлöн места: Коми-Пермяцкöй этнокультурнöй центр (Кудымкар), А. М. Горький нима Пермскöй государственнöй библиотека (Пермь); ПДНТ «Губерния» (онлайн-форматын).
Событие йитöм Прикамьеын быдвося коми-пермяцкöй кывлöн лун порйöтöмкöт. Акциялöн моггез – коми кыв да литература йылiсь тöдöммез паськöтöм, гижанлiсь культура зорöтöм да йöзлiсь грамотность лэбтöм.
Диктант пондöтчас 12:00 часö. Участвуйтны вермас быд морт, диктант вылö гижсьыны оз ков.
Диктант чулалас куим форматын:
1. Традиционнöя (кыдз и пыр), лыддьöтöм сьöртi или видеофайл сьöртi (участниккез гижöны одзжык лöсьöтöм лыддьöтöм сьöртi). Лоасö сетöмöсь кык текст – 13 вося учöтжык челядь понда и 14 вося да ыджытжык йöз понда;
2. Экспресс-диктант (участниккез керöны заданнёэз (тесттэз) электроннöя печатайтöм текст сьöртi).
3. Традиционнöя (кыдз и пыр) роч кыв вылын коми гижисьлöн произведеннё сьöртi.
Куимнан вариантсö позьö гижны öтлаын или öткöн. Площадкаэз лоасö аркмöтöмöсь библиотекаэзын, школаэзын, клуббезын и мöдiк котыррезын.
Русский