«ИнтерКарто. ИнтерГИС» нима XXXI Международнöй конференция вылын, кöда чулалiс октябрь 8 лунö Кудымкарын, мыччалiсö Перемскöй крайись Коми-Пермяцкöй округись Комплекснöй атласлiсь проект. Сiйö керöны ПГНИУ-ись картография да геоинформатика кафедралöн специалисттэз да географическöй факультетiсь ученöйез округлöн уджжез сьöртi Министерство отсöтöн.
Атлас пондас используйтчыны государственнöй да муниципальнöй работниккезöн, экологгезöн, турагентствоэзын, академическöй институттэзын да школаэзын.
Атлас макет торлöн мыччалöм лэбтiс ыджыт интерес научнöй сообществолiсь содержаннёлöн детальнöй проработка увья да графикалöн качество увья. Атлас вылын удж мöдöны помавны 2026 воö.
Русский