Отир

Коми-Пермяцкöй округись олiссез öтлаын Советскöй Союзiсь мöдiк йöзкöт активнöя участвуйтiсö 1941-1945 воэзся Великöй Отечественнöй войнаын. Округ отсалiс вермасиссезлö cёянöн, паськöмöн, öктöм сьöмöн. Предприятиеэз вылын Гöрд Армия понда керисö валенкиэз, доддез, лыжаэз, ручнöй гранатаэз понда корпуссэз. Округ пасьта вöлi аркмöтöм нёль госпиталь; районнэзöт адззисö виль горт западнöй регионнэзiсь эвакуируйтöм отир.

Великöй Отечественнöй война вылö Коми-пермяцкöй округись мунiс 31, сюрс мымда морт кöднаись 18,5 сюрс кулiсö. 6 тысячася унажык коми-пермяклö козьналiсö боевöй подвиггез понда ореннэзöн да медаллезöн, а 13 морт лоисö Советскöй Союзлöн Геройезöн:

Братчиков Геннадий Иванович (1914–1944)

Чужис Михеевка деревняын (öнi Кудымкарскöй район).

Помалiс Ленинградiсь связь сьöртi военно-инженернöй училище. Участвуйтiс тышкасьöммезын Халкин-Гол вылын да Сталинградын. Юралic разведгруппаöн, кöда действуйтiс Украинаын Белоруссиян да Польшаын.

Кулiс Польшаын 1944 воö.

Посмертнöя сетiсö Советскöй Союзлöн Геройлiсь званнё.

Сы нимöн шуöмась улицаэз Кудымкарын да Перемын.

Вавилин Алексей Сергеевич (1923–1943)

Чужис Дёминаын (Кочёвскöй район).

Стрелковöй роталöн юралiсь. Лобки деревня тышкасьöм понда, кöр сiя ачыс нуöтiс боеццезöс атакаö.

Но кулiс рукопашнöй схваткаын.

Посмертнöя сетiсö Советскöй Союзлöн Геройлiсь званнё.

Сы нимöн шусьö школа Кочевскöй районын да улица Березникиын и Перемын.

Васькин Фрол Васильевич (1911–1983)

Чужис Большая Сордва деревняын (Кудымкарскöй район).

Взводлöн юралiсь, мыччалiс асьсö 1945 вося Одерлöн вуджöм коста.

Ачыс разис кынымкö огневöй точка да вермис вражескöй солдаттэзöс.

1945 воö вöлi козьналöм Советскöй Союзлöн Геройлiсь званнё.

Война бöрын уджалiс Перемын. Сы нимöн шусьö Перемын улица.

Вотинов Африкан Иванович (1918–1967)

Чужис Майкор посёлокын (Юсьвинскöй район).

Участвуйтiс Ленинградлöн оборонаын да Балтийскöй море вылын тышкасьöммезын.

1944 воö юралiс взводöн да ачыс вермис дасся унажык вражескöй солдатöс.

1945 воö вöлi козьналöм Советскöй Союзлöн Геройлiсь званнё.

Война бöрын служитic пограничнöй воскоэзын. Кулiс Томскын.

Голев Леонид Дмитриевич (1925–1980)

Чужис Вырово деревняын (Кудымкарскöй район).

Мыччалiс асьсö Днепр понда тышкасьöммезын, разис кынымкö танк да вермис противниклiсь солдаттэзöс.

Советскöй Союзлöн Геройлiсь званнё козьналiсö 1944 воö.

Война бöрын лоис самбо сьöртi тöдчана велöтiсьöн.

Сы нимöн шусьö самбо сьöртi школа Кудымкарын.

Калинин Алексей Николаевич (1922–1943)

Чужис Коса Эшем деревняын (Кочевскöй район).

Керис сэтшöм жö подвиг, кыдз и Александр Матросов, кöда аслас вывтырöн пöдналiс вражескöй дзотлiсь амбразура.

1944 воö посмертнöя сетiсö Советскöй Союзлöн Геройлiсь званнё.

Сы нимöн шуисö школаэз да улицаэз Алтайскöй крайын да Перемскöй областьын.

Козич Иван Семёнович (1920–2000)

Чужис Старая Морга деревняын (öнi Беларусь).

Лётчик-истребитель, керис 420 боевöй вылет и уськöтiс 20 мымда противниклiсь самолёт.

Советскöй Союзлöн Геройлiсь званнё козьналiсö 1943 воö.

Война бöрын олiс Коми-Пермяцкöй округын, уджалiс вöрöн.

Колыхматов Фёдор Антонович (1913–1989)

Чужис Стрижи деревняын (Юсьвинскöй район).

Артиллерист, мыччалiс асьсö тышкасьöммезын Могилев увтын, кытöн öткöн разис танк да вермис не öтiк дас морт вражескöй солдаттезöс.

Советскöй Союзлöн Геройлiсь званнё козьналiсö 1944 воö.

Война бöрын олiс Перемын.

Ошмарин Иван Константинович (1921–1943)

Кытöнкö висьталöны, мый сiя чужис Хорышево деревняын, öнi сiя Владимирскöй областись Судогда кар гöгöрын. А кытöнкö висьталöны, мый сiя шогмис Потапово деревняын, кöда пырис Чермозскöй районлöн Оньковскöй скльсоветö (öнi этö Коми-Пермяцкöй округлöн Юсьвинскöй район).

Артиллерист, кулiс Орёл увтын тышкасьöм коста, разис два танка и вермис противниклöн 100 солдатся унажык.

1943 воö посмертнöя сетiсö Советскöй Союзлöн Геройлiсь званнё.

Сы нимöн шуисö улицаэз Кудымкарын да Майкорын.

Созонов Александр Яковлевич (1925–1944)

Чужис Чажегово деревняын (Гайнскöй район).

Танкист, асьсö мыччалiс Украин понда тышкасьöм коста, кытöн кутic пленö вражескöй полковникöс.

Кулic 1944 воö. посмертнöя сетiсö Советскöй Союзлöн Геройлiсь званнё.

Сы нимöн шуисö улицаэз Гайнаын да Кудымкарын.

Сысолетин Михаил Иванович (1918–1943)

Чужис Аникина деревняын (Кудымкарскöй район).

Танкист, кулiс сотчан танкын, разис кык танк да вермис дасся унажык солдатöс.

1944 воö посмертнöя сетiсö Советскöй Союзлöн Геройлiсь званнё.

Сы нимöн шуисö школа Кудымкарын.

Томилин Леонид Филиппович (1922–1993)

Чужис Ёгва посадын (Кудымкарскöй район).

Артиллерист, асьсö мыччалiс Днепр понда тышкасьöммезын, кытöн лöсьöтлiс артиллериялiсь би обстрел увтын.

Советскöй Союзлöн Геройлiсь званнё козьналiсö 1944 воö.

Война бöрын служитic армияын, уджалiс велöтiсьöн.

Топорков Андрей Дмитриевич  (1916-1972)

Родился в 1916 г. в деревне Дубровка (Юрлинский район).

Командир минометного расчета. Участвовал в Курской битве и битве за Днепр.

Героически удерживал плацдарм на правом берегу Днепра и обеспечил дальнейшее наступление на этом участке фронта

Советскöй Союзлöн Геройлiсь званнё козьналiсö 1943 воö.

После войны трудился на советской и партийной работе. Умер в 1972 году.

Утев Егор Васильевич (1925–1943)

Чужис Петухова деревняын (Юсьвинскöй район).

Взводлöн юралiсь, асьсö мыччалiс Днепр понда тышкасьöммезын, кытöн ачыс вермис не öтiк дас солдатöс.

1944 воö посмертнöя сетiсö Советскöй Союзлöн Геройлiсь званнё.