Заслуженнöй агроном
Именно Герман Ильич уна керис, медбы аркмöтны колхоззэз, нуöтiс ыджыт общественнöй удж, вöлi депутатöн народнöй депутаттэзлöн Советлöн районын и округын, КПСС-ись горкомлöн, окружкомлöн член, СССР-ись Верховнöй Советлöн депутат. Шогмис 1913-öт воö Ошиб посадын кретьянскöй семьяын и учäтсянь уджалic колхозын.
1959-öт восянь пондiс юравны «Россия» нима колхозöн. Сы юралöм увтын Хозяйство паськалiс, быд во сувтöтöм срокöдз керис госпланнэз, лэбтiс урожайность и подалiсь лыд. Радостев кипод увтын колхоз лоис округын предовöй сельскохозяйственнöй опытлöн школаöн.
Кулiс Герман Ильич 1995-öт воö. Сылö козьналöмась Октябскöй революциялöн да Ленинлöн орденнэз, «Заслуженный зоотехник РСФСР» званнё. Великöй Отечественнöй войнаын участие понда шедтiс Гöрд Звездалiсь орден, «За отвагу» да «За победу над Германией в Великой Отечественной войне» медаллез.
Русский