Медициналöн легенда
Шогмис хирург 1940 воö Купросскöй сельсоветiсь Малая Мочга деревняын крестьянскöй семьяын. Айыс кулiс Финскöй война вылын, зонкасö быдтiс мам да йöзай. Шöрöт школа бöрын пондiс велöтчыны Пермскöй государственнöй медицинскöй институтiсь лечебнöй факультет вылын.
Велöтчöм понда ошкисö. 1969-öт воö пондiс уджавны врачöн- хирургöн Коми-Пермяцкöй окружнöй больницаын. Татöн сiя веськöтiс унася-уна мортöс. Сы дынö локтiсö быдöс Перем крайись. Именно Алексей Иванович оперируйтiс челядьöс, кöдна шедiсö травматологическöй отделеннёö 1982-öдз вося гожумö автобускöт аркмöм автокатастрофа бöрсянь. Сы отсöтöн позис веськöтны быдöс 16 велöтчисьсö. Öтiкыслö Алексей Иванович керис сизим операция и пукалiс сыкöт ордчöн ойезöн.
Сiя велöтiс уна мöдiк бур специалистöс. Эз ло Алексей Калин 2016 вося март 25-öт лунö.
Алексей Иванович Калин – Заслуженнöй врач РСФСР, Ветеран труда, Кудымкарлöн да Юсьвинскöй муниципальнöй округлöн Почётнöй гражданин. Талун, уна воэз бöрын, сiйö видзöны тöдвылын кыдз честнöй, уджалiсь да бур кипода веськöтiсьöс.
Русский