Коми-Пермяцкöй округись олiссез басöка порйöтiсö Ыджыт Победалiсь 80 во. Кудымкарын, а сiдзжö округись деревняэзын да селоэзын чулалiс «Бессмертный полк» нима мунöм, вежалунся концерттэз, памятнöй рыттэз да патриотическöй акцияэз. Нiя луннэзö кылiсö военнöй сьыланкыввез да кывбуррез, мыччасисö фольклорнöй коллективвез. Вежалунлöн медшöр идеяöн вöлi поколеннёэзлöн йитöт да вермиссезлöн подвиггез тöдвылын видзöм. и стихи, выступали фольклорные коллективы. Главной идеей праздника стала преемственность поколений и важность сохранения памяти о подвиге победителей.
Вежалунся мероприятиеэз Кудымкарын пондöтчисö Вечнöй би öзтöмсянь да Победалöн Мемориал дынö дзоридззез пуктöмсянь. Округись олiссез уськöтiсö тöдвылö геройезöc «Аллея Славы» нима монумент дынö дзоридззез тэчöм коста, сiя йитöм 13 Советскöй Союзлöн Геройкöт, кöдна чужисö Коми-Пермяцкöй округын. Местаыс символизируйтö фашизм вылын Вермöмö коми-пермяккезöн пай пуктöм.
Медшöр событиеöн лоис «Бессмертный полк» нима мунöм, кöда йитiс 5 сюрсся унажык мортöс. Мунiссез нуисö асланыс родвужлiсь портреттэз - Великöй Отечественнöй войналöн участниккезлiсь, геройезлiсь да тыллöн тружениккезлiсь, войнася челядьлiсь.
Лун коста карын кылiс музыка: мыччасисö артисттэз, лыддьöтсисö кывбуррез, йöктiсö творческöй коллективвез. Вежалунся мероприятиеэзын участвуйтiс 700 мымда артист Перемись, Кудымкарись да Коми-Пермяцкöй округлöн районнэзiсь. Кульминацияöн лоис «Поём тебе, моя Россия» нима хоровöй фестивальлöн гала-концерт, кöда öктiс площадь вылын 3 000 видзöтiсся унажык. Порйöтöм помассис басöк салютöн.
Фотолöн источник: «ВКонтакте»-ись «Кудымкарский муниципальный округ» нима группа.
Русский