Коми-Пермяцкöй округлöн сё во кежö проектнöй офис öтлаын COMERCH нима компаниякöт керис ассяма сувенирнöй коллекция, кöда мыччалö регионлicь культурнöй код. Дизайнеррез понда вдохновеннёöн лоисö национальнöй орнаменттэз да художник-авангардистлöн Петр Иванович Субботин-Пермяклöн творческöй наследие. Элементтэс бура пырисö коллекциялöн основаö да керисö быдлунся аксессуарресö исторялöн да традицияэзлöн нуиссезöн.
Коллекция петic унасувда: П.И. Субботин-Пермяк серпассэзлöн репродукцияэзöн футболкаэз, кыкладора сумка-шоппер округ юбилейлöн логотипöн, носкиэз национальнöй орнаментöн, кöдна лоисö моднöй акцентöн, брелок-лента юбилейнöй логотипöн, шёлковöй чышьяноккез традиционнöй серрезöн. Коллекциялöн автор — «Губерния» нима Перемись народнöй твоорчестволöн керкуись дизайнер Александра Кузнецова.
Сiдз, сэтшöм козиннэз юбилей кежö лоöны не просто сувениррезöн, а регионлöн полноценнöй элементаа брендöн, кöдна одзлань висьтасьöны сылiсь история да акрмöтöны эмоциональнöй йитöт вежалункöт.
Сувенирнöй продукция лэдзöм ограниченнöй тиражöн. @komiperm100 нима юбилей кежö аркмöтöм пабликись подписчиккез вермасö шедтыны козиннэсö розыгрышшезын.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Вежалунся событиеэзлöн программнöй дирекция — Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын да социальнöй сеттезын..
Русский