«Коми-пермяки в этнокультурном пространстве Пермского края» нима лекция

Чулöтöмлöн места: П. И. Субботин-Пермякнима Коми-Пермяцкöй краеведческöй музей (Кудымкар, ул. Горького, 26).

Тöдчана этнограф Александр Черных, Российскöй Академия Науклöн Уральскöй отделеннёись гуманитарнöй исследованнёэза Институтлöн юралiсь, РАН-лöн профессор, висьтасяс коми‑пермяцкöй йöзлöн регионлöн культурнöй мозаикаын роль йылiсь.

Александр Черных — тöдса российскöй учёнöй, историческöй наукаэзлöн доктор, Ураллöн да Поволжьелöн этнография сьöртi специалист — йöззэзлöн этническöй история да традиционнöй культура сьöртi. Фольклорнöй да этнографическöй экспедицияэз коста öктiс материал Перемскöй крайлöн быдöc территория вылын. 460 научнöй публикацияся, кыдз öтка, сiдз и öтласа монографияэзся, диалектнöй лексикалöн кывчукöрррезся, фольклорнöй тексттэзлöн сборниккезся унажыклöн автор.

«Коми-пермяки в этнокультурном пространстве Пермского края» нима лекция вылö билет позьö босьтны музейлöн сайт вылын. Билеттэз сiдзжö доступнöйöсь Пушкинскöй карта сьöртi, юасьöммез да заявкаэз телефонöт 8 (34 260) 4 50 91.

Александр Черныхлöн лекция помалас событиеэзлiсь цикл «Чужанін» нима просветительскöй проект сьöртi, йитöм Коми-Пермяцкöй округлöн сё вокöт да Перемскöй крайын коми-пермяцкöй кывлöн Вокöт.