Чулöтöмлöн места: Кудымкар, ул. Леваневского, 84.
Фестиваль ӧтлаӧтас рок-музыка да Уралісь йӧззэзлісь традиционнӧй музыкальнӧй культура. Гӧссезӧс видзчисьӧны национальнӧй кухня, ярмарка, орсан площадкаэз. Сцена вылын мыччасясӧ местнӧй да Перемись да Коми-Пермяцкӧй округись корӧм народнӧй коллективвез, рок-группаэз, а хедлайнерӧн лоас тӧдса «Ария» нима группа.
Медшӧр сцена вылын мыччасяс коми-пермяцкӧй ансамбль песни и танца «Шондiбан», Марий Эл вились мыччалас экстравагантнӧй проект «ШЫП ЛИЙ», бокись Удмуртияись локтас кык коллектив — роковӧй «Боболенин» да этническӧй «Вербное воскресенье». Перемись — группа «Альбион», молодёжнӧй «Варья», «Тайдай» да Pure, проект «Катрина» джазовӧй программаӧн да зажигательнӧй «Балакирь». Трибьют-проект «Чёрный вторник» орсас фестивальын «Сектора газа»-лісь сьыланкыввез.
Мӧдік — акустическӧй — сцена мыччалас музыканттэзӧс-любителлезӧс да томпӧлӧслісь проекттэз. Фестиваль вылын медодззаись мыччасясӧ Гайнаись да Юсьваись рок-группаэз.
«Трамплин» фестлунӧ специальнӧй гӧсьӧн лоас Виктор Цойлӧн зон — Александр Цой, «Саша Цой» музыкальнӧй проектлӧн юралісь.
Фестивальнӧй поляна гажӧтас гӧссезӧс арт-объекттэзӧн да быдкодь активносттезӧн: Петрушкалӧн театрӧн, музыкальнӧй балаганӧн, средневековӧй вермасьӧммезӧн, ведьмалӧн пельӧсӧн, челядь понда ыджыт орсан площадкаӧн. Бур погоддя коста кымӧрӧ каясӧ аэростаттэз.
Августлӧн 8 лунсянь августлӧн 10 лунӧдз фестиваль вылын лоас паськӧтӧм палаточнӧй лагерь.
«ВКонтакте»-ын фестивальлӧн группа вылӧ ссылка — https://vk.com/tramplin_kudymkar
Русский