2025 вося ноябрь 5 лунсянь ноябрь 9 лунöдз Москваын чулалас куимöт, медбöрья акт «ЛЮБИТÖМ» нима коми-пермяцкöй культуралöн фестивальлöн — ыджыт культурнöй инициативалöн, кöда йитö театр, музыка, медиа да учöт йöззэзлiсь ловья кыв. Сё час коста юркар лоас важ кывлöн да öння искусстволöн пантасьöм понда пространствоöн —кассетнöй плееррезлöн перформативнöй операсянь карöт коми-пермяцкöй кыв вылын иммерсивнöй прогулкаэзöдз.
Программаын:
«Улетают птицы» (16+) нима коми-пермяцкöй кыв вылын кассетнöй плееррезлöн перформативнöй опера, гижöм Раиса Степановналöн, Коми-Пермяцкöй округись олiсьлöн, воспоминаннёэз сьöртi, лоас лöньлöн тöдвывкöт пантасьöмöн.
«К реке» (18+) — акустическöй камернöй плейлист, öктöм коми-пермяцкöй сьыланкыввезiсь. Акустическöй спектакль мунö топ ваöт письмоэзöт, – кык радейтicь коми-пермяклöн признаннёэзöт, кöдналöн радейтöм кольччис дзик гижöт вылын да коми-пермяцкöй кыв вылын.
«Земля говорит» (16+) — перформанс сы йылicь, кыдз важ да öння кад йитсьöны, а му дугдö лоны просто почваöн и лоö тöдвывлöн архивöн. Сiя баитö шы, важ кыввез да важмöмлöн коллективнöй висьталöм пырйöт.
«Прикосновение» (16+) — иммерсивнöй аудиотелеснöй перформанс коми-пермяккез йылiсь, кöдаын быдöс видзöтiссез лоасö матöжык öтамöд дынö.
«Звуры» (16+) нима коми-пермяцкöй кыв вылын прогулка пöртчас карлöн быдпырся локацияэзлöн да шыэзлöн исследованнёö коми-пермяцкöй кыв отсöтöн. Фестивальлöн программаын сiдзжö метроын рейв (невна коми-пермяцкöй), коми-пермяцкöй ужин да коми-пермяцкöй йога.
Кöр: 2025 вося ноябрь 5 лунсянь ноябрь 9 лунöдз.
Места: Москва, «Исток» нима Дом Культуры (Большая Никитская, 60, стр. 1), «Театр Наций»-лöн виль пространтсство — öтöрись активностез понда.
Фестиваль лöсьöтö авторскöй мерчлiсь лимитированнöй серия уезднöй андеграундлöн эстетикаын фольклорнöй мотиввезöн. Фестиваль бöрын Яндекс.Музыка вылын лоасö осьтöмöсь «В тишине» нима подкасттэз коми-пермяцкöй вылын — почти ASMR, но месталöн содержаннёöн да духöн. Спектакльлöн цифровöй отпечатоккез Telegram платформаын — театр, кöда одзлань олö мобильнöй гаджетын. И, конечно, медиаперформанс «100 часов о любви» — медиа инсталляция, кытöн чужöммез, керкуэз, предметтэз ловзясö цифровöй средаын.
Фестивальлöн событиеэз вылö пыранiн — одзланься регистрацияöт. Унажык регистрация йылiсь НМХТ нима театральнöй компаниялöн официальнöй каналлэзын вконтактеын (https://vk.com/nemhat) да телеграмын (https://t.me/nemxat).
Уськöтамö тöдвылö, мый фестивальлöн медодзза акт чулалiс 2025 вося июльын Перемын, мöдiк — сентябрьын Санкт-Петербургын. Помалас фестиваль куимöт акт Москваын. Быд акт быд карын кыссьö 100 час коста да лоас коми-пермяцкöй кывлöн да öння искусстволöн формаэзлöн – виль театрлöн, музыкалöн, цифровöй медиа инсталляциялöн да гастрономиеялöн - пантасьöм понда пространствоöн Программа лоас насыщеннöй, ловья да доступнöй быд понда — томпöлöссянь пöриссезöдз.
Фестиваль «ЛЮБИТÖМ» — не только культурнöй событие, но и тор унавося федеральнöй стратегиялöн локальнöй культурнöй формаэзлöн, кореннöй йöззэзлöн кыввез зорöтöмлöн да страналöн культурнöй оланын томпöлöслiсь роль вынсьöтöмлöн тор. Фестивальлöн ыджыт задача— сохраненнё, популяризация да ретрансляция коми-пермяцкöй культуралiсь да кывлiсь не только миян странаын, но и сы сайын.
Проект чулöтсьö малонаселеннöй регионнэзын устойчивöй культурнöй инфраструктура аркмöтöм, инклюзивнöй театрлöн зорöтöм, локальнöй идентичностькöт да кыввезлöн разнообразиекöт удж понда. Быдöс нiя керöны фестивальсö федеральнöй культурнöй политикалöн колана торöн, кöда йитöм Россиялöн многонациональнöй культурнöй кодлöн сбереженнёкöт да обновленнёкöт.
Фестиваль Перемскöй крайись культура сьöртi Министерство, ГКБУК «Пермский дом народного творчества «Губерния» нима 100 во кежö программнöй дирекция, ГКБУК «Коми-Пермяцкий национальный драматический театр им. М. Горького» отсöт увтын аркмöтö театральнöй компания «НМХТ» и джыныс ныись – коми-пермяккез. И мийö вежöртöтамö бы традицияэз да торйöтчамö бы ныöн томмезкöт
Контакт понда морт:
Мария Попова — фестивальлöн пресс-служба
nmht.press@gmail.com
+7 (902) 833-39-92
VK: marusya19082000
TG: @marypopsthefirst
Русский