Чулöтöмлöн места: Кудымкар, Культурно-деловой центр, ул. 50 лет Октября, 12.
Ыджыт концерт лоас «Миян сьыланкыввез» нима конкурслöн финалöн. Вермиссез мыччаласö кыдз виль сьыланкыввез, сiдз и коми-пермяцкöй переложеннёэз быдöс понда тöдса хиттэзлiсь.
Конкурсын участвуйтiсö:
— сьыланкыввез оригинальнöй музыкаöн да коми-пермяцкöй кыв вылын текстöн да сьыланкыввез коми-пермяцкöй гижиссезлöн кывбуррез вылö, одзжык ни пуктöмöсь музыка вылö (номинация «Виль сьыланкыв», «Новая песня»);
— тöдса сьыланкыввез коми-пермяцкöй кыв вылын виль аранжировкаын да сьыланкыввез роч да мöдiк кыввез вылын, вуджöтöмöсь да сьылöмöсь коми-пермяцкöй вылын (номинация «Важ сьыланкыв вильмоза», «Старая песня на новый лад»);
— челядь понда сьыланкыввез (номинация «Челядь понда сьыланкыв»).
Таво гала-концерт вылын сьывсясö тöдса сьыланкыввезлöн коми-пермяцкöй версияэз «Кукушка», «Матушка сыра земля», «Надежда».
Концертлöн специальнöй гöсьöн лоас сьылiсь Руслан Мелехин, народнöй сьыланкыввезлöн исполнитель, песеннöй конкурссэзлöн унаись вермись.
Конкурс «Миян сьыланкыввез» 2025 воын чулöтсьö культурнöй инициативаэзлöн Президентскöй фонд отсöтöн.
Русский