Чулöтöмлöн места: Кудымкар, Коми-Пермяцкий краеведческий музей им. П.И. Субботина-Пермяка (ул. 8 Марта, 27).
Коми-Пермяцкöй краеведческöй музейын оссяс «Пера Маа отир» («Люди Дальней земли») нима виль паськыт реэкспозициялöн мöдiк тор – «Средний мир. Этнографическое наследие». Виль разделлöн вернисаж чулалас 2025 вося декабрь 19 лунö 16.00 часö.
Мöдiк тор быдпырся музейнöй экспозициялöн осьтö коми-пермяккезлiсь XVI-öт вексянь XX веклöн пондöтчöмöдз этнографическöй наследиелöн тема. Этнографиялöн да прикладнöй искусстволöн коллекцияэз мыччалöны крестьянин-земледелецлiсь традиционнöй олан верованиеэз, занятиеэз, ремеслоэз, вежалуннэз пырйöт.
Музейлöн гöссез адззыласö набойнöй промысел, свадебнöй обряд да национальнöй костюм йылiсь яркöй комикссэз; легендалiсь геройöс – богатырь Кудым-Ошöс, кölа вайис лунвывся муэз вылiсь рудзöг да ид туссез; Юксяöс, Пуксяöс, Чадзöс да Бачöс – Юксеево, Пуксиб, Чазево, Бачманово деревняэзлiсь аркмöтiссезöс; гортся ремеслоэз, мельничнöй да кузнечнöй промыселлэз.
Обрядовöй берся да мультимедийнöй комплекссэз тöдсöтасö Московскöй государствоö пырöмлöн да пыртöмлöн историческöй процессэзкöт; языческöй верованнёэз да обряддэз – «Важжез» или «Пестера», быкобой, кабала, «Турун вежан лун», «Черöшлан».
Виль экспозиция «Пера Маа отир» («Люди Дальней земли») лоас куимтора – куим мир йылiсь финно-угорскöй миф сьöртi: увтiсь, шöрись да вевдöрись. Виль музейнöй висьт лоас паськöтöм куим этаж вылын, корасö ассяма пырöмö важ оланö да округлöн культурнöй наследиеö — археологическöй тайнаэзсянь историялöн художественнöй вежöртöмöдз. Экспозициялöн медодзза тор— «Нижний мир» — вöлi осьтöм 2025 волöн июльын.
Экспозиция «Пера Маа отир» – одноименнöй масштабнöй грантовöй проектлöн тор, кöда чулöтсьö «Общество радетелей коми-пермяцкого языка и культуры «Югор» нима Пермскöй региональнöй общественнöй организацияöн öтлаын Пермскöй крайись культура сьöртi Министерствокöт Пермскöй крайись губернаторлöн Администрация да Пермскöй дом народного творчества «Губерния» отсöтöн Коми-Пермяцкöй округлöн 100 во кежö культурнöй инициативаэзлöн Президентскöй фонд сьöртi.
Авторскöй коллективлöн юралiсь – историческöй наукаэзлöн доктор Александр Черных; проектлöн куратор да продюсер – музейнöй проектировщик Ольга Сафрошенко, главнöй художник – Ольга Вологина. Техническöй воплощеннё «Батя Кочевар» командасянь; мультимедиа – «Re:textU» группасянь; билöн оформленнё — «Световые решения» группасянь.
Русский