Перем шöрын паськöтасö 15 метра ыжда пызан коми-пермяцкöй сёяннэзöн. Торжество чулалас «Дикороссы» (0+) нима гастрофестиваль вылын Коми-Пермяцкöй округлöн се во увья.
Пермская, 57-лöн пытшкись двор лоас ыджыт вежалунся площадкаöн, кытöн гöссезöс вердасö медбур сёяннэзöн Перемись да кудымкарись шеф-поваррезсянь.
«Дикоросы» нима фестиваль вылын гöссезöс видзчисьö кöрлöн да атмосфералöн фестиваль.
Перемись да Кудымкарись шеф-поваррез мыччаласö аскерöм сёяннэз, йитöмöсь коми-пермяккез культуракöт, а Коми-Пермяцкöй округись баббез – важ рецепттэз видзиссез – висьтасясö, кыдз керны сёяннэз, тöдсаöсь быд понда челядь кадсянь, кин быдмис уральскöй му вылын.
Лун: август 30 лунö, 12:00-сянь 19:00-öдз.
Места: Перем, ул. Пермская, 57 (пытшкись двор).
Гöссез пешласö асьнысö кулинаррезöн: мастер-классэз вылын велöтчасö керны национальнöй сёяннэз да традиционнöй национальнöй юан сур – пуись керöм öрын. Быдса лун пондас горавны живöй музыка – душевнöй народнöй да застольнöй сьыланкыввез. Эшö гöссезöс видзчисьö ремеслоэзлöн да фремерскöй продукттэзлöн ярмарка: татöн позяс босьтны сувениррез, ас киöн керöм берся да местнöй производителлезсянь натуральнöй козиннэз, медбы нуны сьöрö вежалунлiсь торок.
«Дикоросы» нима фестиваль – вермöм лоны ыджыт семьялöн торöн, пукалыштны паськыт пызан сайын, кывзыны историяэз, нуны сьöрö кöр, шоныт да гаж. Пыранiн: сьöмтöм.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Вежалунся событиеэзлöн программнöй дирекция — Пермский дом народного творчества «Губерния».
Быдöc актуальнöй информация Коми-Пермяцкöй округлöн фестиваллез йылiсь верматö тöдны сайт вылын да социальнöй сеттезын.
Сьӧлӧмсянь корамӧ миян ордӧ!
Русский