В Пермском крае начались съёмки документального фильма о народном ансамбле «Мича Асыв» («Ясное утро») из села Большая Коча Кочёвского округа. Проект реализует творческая команда Живые истории.doc нима творческöй команда березниковскöй режиссёр Наталиея Луначёва кипод увтын. Фильм йитöм ансамбльлöн 40 вося юбилейкöт, кöдö нiя порйöтасö мöд воын. Кинолента висьтасяс коллективлöн история йылiсь, сылöн участниккез йылiсь да ассяма творчество йылiсь.
Съёмкаэз пондöтчисö тавося августын. Медодзза кадррез керисö «Турун вежан лун» нима обрядовöй вежалун вылын, кöда коми-пермяккезлöн пасйö гожумсянь арö вуджöм. Поездкаыс лоис медодззаöн Ыджыт Кочаö куим экспедицияись.
Проектлöн авторöн да режиссёрöн лоис Наталия Луначёва — березниковскöй журналист да документалист, «Кит-Уля» («Два огня»), «Платоновна – комендант Дия» нима фильммезлöн да мöдiк лентаэзлöн автор. Виль фильм сiя аркмöтö öтлаын «Живые истории» АНО-кöт — журналисттэзлöн, режиссёррезлöн, операторрезлöн, продюсеррезлöн да сценаристтэзлöн сообщество, кöднö йитö кинолöн вынö вера да кöсйöм мыччавны «удивительное рядом». Командалöн ыджыт опыт, федеральнöй да международнöй уровня наградаэз да кужöм уджавны быдкодь жанррезын— дженыт роликкезсянь полнометражнöй фильммезöдз.
Проектлöн идея пырис ни ФПРК-лöн (Фонд поддержки регионального кино) Приволжскöй Кинолабораториясь Россия пасьта проектлöн полнöй циклö. Эта понда Наталия Луначёвалöн да сы командалöн эм возможность уджавны проектом вылын ведущöй наставниккез – «Эмми», «Золотой орёл», «Ника» и «ТЭФИ» премияэзлöн лауреаттэз – кипод увтын.
«Снимать этот фильм в год 100-летия Коми-Пермяцкого округа — особенно ответственно. Мы стремимся создать не просто документальную ленту, а живое полотно, на котором оживает дух коми-пермяцкой культуры. Для нас было важно показать, что традиции коми-пермяков живы и продолжают вдохновлять новые поколения», — подчеркнула Наталия Луначёва. Выход ленты запланирован на 2026 год.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöc актуальнöй информация Коми-Пермяцкöй округлöн фестиваллез йылiсь верматö тöдны сайт вылын да социальнöй сеттезын.
Русский