Апрель 24 лунö Кудымкарын 85-iсь чулалiс «Парма» нима газеталöн приз вылö легкоатлетическöй эстафета. Юбилейнöй забег йитiсö Коми-Пермяцкöй округлöн сёвося юбилейкöт да Великöй Отечественнöй войнаын 80-вося Победакöт.
Эстафеталöн участниккезöн лоис 1500 морт гöгöр – спортсменнэз, котрасьöмлöн радейтiссез да видзöтiссез Перем крайись быдкодь ладорись.
«Парма» нима газеталöн приз вылö эстафета – Коми-Пермяцкöй округын соревнованнёэз кузь историяöн. Медодзза старттэз чулалiсö эшö 1940 воö.
Юбилейнöй эстафетаын участвуйтiс 40 команда, нiя вермасисö 5 группаын. Öктöм командаэз составын котöртiсö школьниккез, студенттэз, индивидуальнöй предпринимателлез, организацияэзлöн, учрежденнёэзлöн да предприятиеэзлöн представителлез. Участниккез локтiсö Коми-Пермяцкöй округись быд пельöсiсь, а сiдзжö Очерись, Ильинскöйись, Кондратовоись, Карагайись, Нытваись, Сиваись да Менделеевоись.
Эстафета чулалö Перем крайись физическöй культура да спорт Министерстволöн, Коми-Пермяцкöй округын уджжез сьöртi Министерстволöн да Кудымкарскöй муниципальнöй округлöн отсöтöн.
Фотоэзлöн источник: «Парма» нима газеталöн группа «ВКонтакте»-ын. Сэтчин позьö адззыны ниммез вермиссезлiсь быд категорияын.
Русский