Локтан шоччисян луннэзö Коми-Пермяцкöй округ лоас гора, чöскыт да вежалуна. Чулаласö куим ыджыт событие: тöдчана группа «Ария» петас Кудымкарын сцена вылö рок-концертöн, «Коми ели» нима гастрономическöй фестиваль вердас гöссезöc деликатэссезöн, а Архангельскöйын паськалас вундан кадлöн вежалун сьыланкыввезöн, няньöн да кывбуррезöн. Видзчисямö быдöннысö: лоас сьöлöмвöрзьöтана музыка, мывкыда сёян да коми-пермяцкöй традицияэзö пырöм – хороводдэзсянь чöскыт пирöггезöдз.» угощает гостей деликатесами с дымком, а в селе Архангельское развернётся душевный праздник урожая с песнями, хлебом и поэзией. Ждём всех: будет музыка до мурашек, еда с характером и погружение в коми-пермяцкие традиции — от хороводов до душистых пирогов.
«Трамплин», томпöлöслöн музыкальнöй фестиваль (12+)
Лун да кад: август 9 лунö, пондöтчöм 13:00.
Места: Кудымкар, ул. Леваневского, 84, «Парма» нима комплекс вылын трамплиннэз дынын (199 км Перемсянь).
«Трамплин» нима музыкальнöй фестиваль öктас Кудымкарын рок-группаэз, этническöй ансамбллез да томпöлöслöн проекттэз быдöс Перем крайись да бокись регионнэзicь. Хедлайнерöн лоас группа «Ария». Фестивальлöн медшöр сцена вылын сiдзжö мыччасясö Саша Цой, Виктор Цойлöн зон «Саша Цой» нима проектлöн юралiсь, Кудымкарись «Шондiбан» нима коми-пермяцкöй ансамбль песни и танца, Марий Эл-iсь «ШЫП ЛИЙ» нима проект, Удмуртияись «Боболенин» (рок) да «Вербное воскресенье» нима коллективвез, Перемись «А льбион», «Парламент», «Балакирь», «Варья», «Тайдай», «Pure», «Катрина» нима группаэз. Ойлö паныт "Чёрный вторник" нима трибьют-проект сьылас «Сектора газа»-лiсь сьыланкыввез. Мöдiк сцена – акустическöй – öтлаöтас томпöлöслiсь любительскöй да профессиональнöй коллективвез.
Фестивальнöй поляна вылын гöссезöс сiдзжö видзчисьöны петрушечнöй балаган, средневековöй забаваэз, мотоблоккез вылын гонкаэз, ыджыт орсан площадка челядь понда да гырись йöз понда, музыкальнöй балаган да «Гуся ком» (Тайный угол), фудкорт, ярмарка да мастер-класссэз, конкурссэз. Бур погоддя коста вермасö чулöтны аэростаттэз вылын полёттэз. Пыранiн сьöмтöм.
Фестлун ТРАМПЛИН чулöтсьö АНО «Трамплин»-öн Перем крайись губернаторлöн Администрация да Кудымкарскöй муниципальнöй округлöн Администрация отсöтöн.
«Коми ели» нима гастрофест (0+) «Коми ели» (0+)
Лун: август 9 лунö.
Места: Кудымкар, Филичи микрорайонын, трамплиннэзлöн комплекс да центр подготовки Парма, лыжнöй трасса 2 км (Романовалань) (199 км Перемсянь).
Кушин вылын «Трамплин» бокын паськалас «Коми ели» нима гастрономическöй фестиваль. Татöн позяс пешлыны ойвывся сёяннэз, босьтны местнöй деликатэссэз да видзöтны кулинарнöй вермасьöм. Фестивальлöн специальнöй гöсьöн лоас шеф-повар, телеведущöй да блогер Василий Емельяненко.
Вермасьöммез чулаласö кык номинацияын:
- домашние мастера – участвуйтны пондасö куим семья Коми-Пермяцкöй округись;
- профессиональные мастера – вермасьöм чулалас Москваись, Перемись да Тюменись рестораннэзiсь кыкьямыс шеф-повар коласын.
Участниккез лöсьöтасö локальнöй кухнялiсь сёяннэз местнöй продукттэзöн. Донтны конкурсанттэзöс пондасö приглашённöй эксперттэз, ны коласын Василий Емельяненко. Мероприятие чулöтсьö «Точка на карте. Точка интереса» нима программа сьöртi Перем крайись культура сьöртi Министерство отсöтöн. Пыранiн сьöмтöм.
«Зажинки» 2025 (0+) нима вундан кадлöн традиционнöй вежалун
Лун да кад: август 9 лунö, пондöтчöм 12:00.
Места: д. Чинагорт (сэсся мунö уккзателлез сьöртi), Юсьвинскöй округ (217 км Перемсянь).
«Зажинки» – вундан кад пондöтчöмлöн традиционнöй вежалун, кöда лоис Архангельскöйлöн визитнöй карточкаöн. Гöссез вермасö участвуйтны важ обряддэзын, велавны вундыны традиционнöй способöн чарла отсöтöн, тöдсасьны коми-пермяцкöй эпосiсь геройезкöт да пешлыны национальнöй сёяннэз. Татöн чулаласö вундiссезлöн вермасьöммез, «Виль нянь» нима гортся няньлöн да «Сук ырӧш» нима национальнöй юанлöн конкурссэз, пондас уджавны «Играй гармонь, звени частушка» нима площадка да«Зарни ыб» нима пленэр. Участниккез понда чулалас квест-игра «Чудь загадочная», молодецкöй забаваэз, «100 загадок» нима челядь понда площадка.
Лун коста мыччасясö творческöй коллективвез, а сiдзжö чулалас «Карповскöй торжок» нима аскерöм торрезлöн ярмарка-продажа. Фестиваль чулалö «59 фестивалей 59 региона» нима краевöй проект сьöртi да пырис Коми-Пермяцкöй округлöн сё вося cобытиеэз коласö.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын да социальнöй сеттезын..
Фотографии Алексей Гречищев и Вера Пронина
Русский