Ставропольын кольöм «Российская студенческая весна» нима Всероссийскöй фестиваль вылын профессиональнöй образовательнöй организацияэз коласын вöлi мыччалöм «Туригум» нима коллекция. Автор — Кудымкарскöй лесотехническöй техникумись велöтчись Дарья Тарасова «Эко–этно» нима модалöн театрись. Коллективлöн юралiсь – Анастасия Конгурова.
Коллекция пыртö ас пытшкö тканьлöн верховöй набойкалiсь искусство да коми-пермяцкöй костюмлöн öння лыддьöтöм. Набойка понда пöввез (натодиль серöтöм пуись формаэз) эта коллекция понда повторяйтöны нiйö, кöдна вöлiсö ойвывся коми-пермяккеслöн 19 век шöрын. Сэтшöм фантазийнöй серрезöн басöксьöтiсö дубассэз. Сетöм коллекция понда вöлi бöрйöмась важ серрез, кöдна мыччалöны ыбись дзоридззезлöн да вöрись туруннэзлöн коми-пермяцкöй образзэз. Коллекцияö пырöны 12 быдпырся образ, öткодя – инькалö да мужиклö.
Дарья Тарасова пасйö, мый национальнöй костюм лоö культурнöй наследиелöн колана торöн. Сiя мыччалö йöзлiсь история, обычайез да ценносттез. Традицияэз тöдвылын видзöм отсалö крепöтсьöтны национальнöй идентичность да адззыны ас пытшкын культурнöй код. «Традицияэз тöдвылын видзöм образззэз öння лыддьöтöмын не только отсалö кольны культурнöй вужжез, но и аркмöтö виль вермöммез öння миркöт йитсьöм понда», - торйöтчö коллекциялöн автор.
Прикамскöй студенттэз мыччалiсö «Российскöй студенческöй весна» вылын 35 творческöй удж 10 творческöй направленёын. Ны коласын — Дарья Тарасовалöн «Туригум» нима коллекция, кöда тавося «Студенческая весна» нима краевöй фестиваль вылын босьтic ни козин. Быдöсыс Всероссийскöй фестивальлöн участникöн лоис 2 000 студент Россиялöн 70 регионiсь. Нiя мыччалiсö экспертнöй советлö донтöм понда 1000 конкурснöй уджся не етшажык 50 номинацияся унажык 10 направленнё сьöртi. Нылicь проекттэз донтiс экспертнöй совет 70 жюрилöн членiсь – страналöн искусство да культураись авторитетнöй деятеллез.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Вежалунся событиеэзлöн программнöй дирекция — Пермский дом народного творчества «Губерния».
Коми-Пермяцкöй округлöн сёвося фестиваллез йылiсь быдöс актуальнöй информациясö верматö тöдны сайт вылын да социальнöй сеттезын.
Русский