Чулöтöмлöн луннэз: август 20–23 луннэзö — образовательнöй программа; август 23-24 луннэзö — событиеэз медшöр сцена вылын.
Чулöтöмлöн места:
- Кудымкарлöн центр — медшöр сцена;
- Коми-Пермяцкöй драматическöй театрлöн учöт сцена (Кудымкар, ул. Гагарина, 6);
- Субботин-Пермяклöн дом-музей (Кудымкар, ул. Максима Горького, 26);
- Коми-Пермяцкий краеведческöй музей (Кудымкар, ул. 8 Марта, 27);
- Коми-Пермяцкöй этнокультурнöй центр (Кудымкар, ул.Студенческая, 9).
Фестиваль йитöм Пётр Иванович Субботин-Пермяккöт, коми-пермяцкöй серпасалicь-авангардисткöт, велöтiськöт, декоративнöй живописьлöн профессоркöт. Аркмöтiссез öтлаöтöны важ кад да лоан, искусство да инновацияэз, традиция да авангард.
Событие шöрын — Коми-Пермяцкöй округлöн культурнöй наследие: национальнöй культура, сылöн географическöй да историческöй предпосылкаэз, ассямаэз. Фестиваль коста чулаласö томпöлöс понда, культураись специалисттэз понда да креативнöй индустрияэзiсь представителлез понда творческöй лабораторияэз искусствоведдэзкöт. Концертнöй программаын мыччасясö этноколлективвез да классическöй музыканттэз, а сiдзжö лоасö экскурсияэз карöт, ремесленнöй мастер-классэз, челядь понда орсаннэз.
Образовательнöй программа пыртö ас пытшкö квать тор:
— «Поющая трава» нима лаборатория (коми-пермяцкöй музыкальнöй традициякöт тöдсасьöм);
— биа лаборатория;
— музейно-экскурсионнöй прокачка;
— музейно-экскурсионнöй прокачкалöн осьта лекцияэз;
— авангард сьöртi тöдчана искусствоведдэзкöт лекторий;
— креативнöй индустрияэзлöн лаборатория.
Мероприятиеэзын участие понда ковсяс регистрация. Регистрациялöн форма вылö ссылкаэз лоасö сетöмöсь «ВКонтакте»-ын Коми-Пермяцкöй округлöн сё во кежö аркмöтöм группаын: https://vk.com/komiperm100.
Шоччисян луннэзö, август 23 да 24 луннэзö, фестивальлöн медшöр сцена вылын мыччасясö SPOKANKI нима этно-авангарднöй музыкальнöй коллектив, YARGA SOUND SYSTEM нима Карелияись этно-электроннöй проект, музыкант Пётр Термен, «Репей» нима творческöй объединеннё, перкуссионист-мультиинструменталист Пётр Главатских, «Агидель» нима пермскöй камернöй оркестр.
«Этноавангард» нима фестивальлöн аркмöтiсь — ПДНТ «Губерния».
Русский