Сентябрь 16 лунö Коми-Пермяцкöй национальнöй драматическöй театрлöн ыджыт сцена вылын Пермскöй театр оперы и балета мыччалас «Чайковский — гала» (6+) нима программа.
Опернöй солисттэз да оркестрлöн концерт вылын Владимир Ткаченко кипод увтын орсасö Петр Ильич Чайковскöйлiсь музыка, кöда пырö мировöй классикалöн золотöй фондö. Концертлöн медодзза отделеннё сулалö «Евгений Онегин», «Пиковая дама», «Иоланта», «Орлеанская дева» да «Чародейка» нима операэзiсь арияэз да дуэттэз. Мöдiк отделеннё пондас сулавны «Лебединое озеро» да «Щелкунчик» нима балеттэз понда музыкаись.
«Кудымкарись да Коми округись олiссез понда лоас ыджыт козинöн тöдчана Перемскöй тетар оперы и балеталöн мыччасьöм. Программаын – вечнöй мировöй классика. Этö ассяма событие, и мöдатö кö тiйö, дона видзöтiссез, локны сы вылö, то эдö кыскö билеттэзöн, нiя кольччисö öддьöн етша», - висьталö Коми-Пермяцкöй театрлöн юралiсь Анатолий Четин.
Билеттэз кассаын да театрлöн сайт вылын, «Семья» нима национальнöй проектлöн «Пушкинскöй карта» сьöртi сiдзжö. Касса: 8 (34260) 4-88-60.
Гастроллез чулöтсьöны Коми-Пермяцкöй округлöн сёвося юбилей увья, Коми-Пермяцкöй театрлöн 95 во увья да Петр Ильич Чайковскöйлöн 185 во увья.
Русский