Талун Кудымкарын пондöтчис «ЭТНОАВАНГАРД» нима фестиваль, йитöм серпасалiсь-авангардист Петр Субботин-Пермяклöн наследиекöт. Гöссезöс видзчисьöны образовательнöй лабораторияэз, театрализованнöй постановкаэз, этнографическöй да öння музыкалöн медбур коллективвезлöн концерттэз. Август 23 лунö село Ошиб дынын чулалас «Охота на охоту» нима фестиваль — гажа событие, кöда осьтас вöралан сезон да тöдсöтас коми-пермяккезлöн обряддэзöн, сьыланкыввезöн да легендаэзöн, кытöн позяс мунны вöрись квест, лоны участникöн «ритуала подношения духам» да пешлыны асьнысö вöралiсьöн.
Фестиваль «ЭТНОАВАНГАРД» (0+)
Фестиваль йитöм серпасалiсь-авангардист Петр Субботин-Пермяклöн культурнöй наследиекöт. Август 20-24 луннэзö гöссезöс видзчисьö ыджыт программа. Образовательнöйö пырис квать направленнё, кöдна коласын дизайн, медиа, арт, биа жанрлöн лаборатория, музейно-экскурсионнöй прокачка, лаборатория «Поющей травы». Медбы участвуйтны ныын, колö регистрируйтчыны ссылкаöт. Лабораториялöн подробнöй программа— в прикрепленнöй файлын.
Быдыс понда, кин кöсйö аркмöтöм театральнöй да музыкальнöй программа. Август 21 лунö 18:00 часö Коми-Пермяцкöй драмтеатрлöн учöт сцена вылын Андрей Тетюрин кипод увтын «Карабаска» нима театр кукол мыччалас «Серебряное копытце» нима спектакль. Ашынас татöн жö видзöтiссезлö мыччаласö «Бесприданница. Островский» спектакль детектив жанрын, сiдзжö сувтöтöм «Карабаска» нима театр кукол-öн Наталья Пахомова режиссёрлöн кипод увтын.
Август 23 лунö драматическöй театрлöн учöт сцена лоас площадкаöн кык музыкальнöй событие понда. 16:00-сянь 17:30-öдз Москваись «Репей» нима ансамбль мыччалас «От востока и до захода – от лета и до севера» нима этнографическöй музыкалiсь концерт. 19:00 часö пондöтчас литературно-звуковöй композиция «Степан Разин» Велимир Хлебниковлöн да Василий Каменскöйлöн произведеннеэз сьöртi ЯRГАsoundsystem (Петрозаводск) нима коллектив исполненнёын.
Август 24 лунö медшöр программа вежсяс карлöн медшöр сцена вылö. 16:00 часö чулалас ЯRГАsoundsystem группалöн «Корни и ветви» нима концерт-лекция группы, 17:30 часö — Москваись Петр Терменлöн проект «Музыка сфер». 19:00 часö мыччасяс Мокваись акапелла-бэнд «SPOKANKI», «Ну-ка, все вместе! Хором!» телепроектлöн финалисттэз. Нiя тöдсаöсь сiйöн, мый öктiсö унамиллиона просмотррез Tik Tok-ын.
Помалас эта лунлicь программасö Петр Главатскихлöн «Времена» нима музыкальнöй проект. Концерт чулалас 20:30 часö Культурно-Деловöй Центрлöн ыджыт залын (Кудымкар, ул. 50 лет Октября, 12).
Пыранiн быдöс мероприятиеэз вылö сьöмтöм, билеттэз да регистрация озö колö.
Фестиваль «Этноавангард» является частью масштабного грантового проекта «Люди Дальней земли — пера Маа Отир», реализуемого при поддержке Президентского фонда культурных инициатив.
«Охота на охоту» (0+) нима фестиваль
Лун да кад: август 23 лунö 12:00 чассянь.
Места: село Ошиб, Кудымкарскöй муниципальнöй округ (229 км Перемсянь).
Фестиваль пондöтчас «Куим вöралiсь туй» нима испытаннесянь – маршрут, кöдаын гöссез вермасö бöрйыны куим туй коласicь öтiкö. Медодзза – лоас вöрись квестöн заданнёэзöн да духхезкöт пантасьöмöн. Мöдiк – тöдсöтас коми-пермяккезлöн традицияэзöн: татöн позяс лöсьöтны шуд вылö амулет да керны подношеннё Вöрисьлö – вöрись кöзяинлö. Куимöт туй осьтас öння профессиональнöй да любительскöй вöралöмлiсь мир.
Гöссез понд пондасö уджавны интерактивнöй да выставочнöй площадкаэз:
- «Снаряжательная лавка» да «Звероловная кузница»: вöралöм да чериалöм понда берсялöн экспозиция, а сiдзжö быдкодь нальккез.
- «Охотничий стан»: кипода вöралiссезкöт сёрнитöм, бипур дынын байкаэз да быличкаэз.
- «Уловистые хитрости»: вöралöм понда приманкаэз керöм сьöртi мастер-классэз.
- «Амулет удачи»: шуда вöралöм понда аркмöтöм.
- «По следам дикой природы»: коми-пермяцкöй серпасалiсьлöн репродукцияэз.
- «Мундир охотника»: вöралан паськöм пасьталöм понда фотозона.
- «Стрела судьбы»: ньöвись лыйсьöм.
Гöссезöс видзчисьöны «Удачная охота» нима восстановленнöй обряд, вöв вылын ысласьöм да «Седой Урал» (г. Пермь) нима этно-электроннöй проектлöн мыччасьöм. А помассяс вежалун «Пир охотника» нима программаöн вöрпöткаись сёяннэзöн да вöрись квестлöн участниккезöс аттьöалöмöн.
Мероприятие чулöтсьö «59 фестивалей 59 региона» нима проект сьöртi Перем крайись культура сьöртi Министерство отсöтöн. Пыранiнлöн дон – 100 руб.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын да социальнöй сеттезын..
Русский