Чулöтöмлöн места: Коми-Пермяцкöй этнокультурнöй центр (Кудымкар, ул. Студенческая, 9).
Кыклунся форум Кудымкарын (май 23-24-öт луннэзö) йитас коми йöз: пермяккезöс, зырянаöс, язьвинсаöс, зюздинсаöс. Коми-Пермяцкöй округлöн юркарö локтас Республика Комиись делегация. Форумлöн площадкаэз вылын участниккез вермасö торйöтчыны опытöн кыв да культурнöй самобытностьлöн одзланься зорöтöм сьöртi да аркмöтны йитöттэз уна во кежö.
Форумлöн медшöр событиеэз чулаласö Коми-Пермяцкöй этнокультурнöй центрын, а сiдзжö Кудымкарись да округись мöдiк районнэзiсь площадкаэз вылын: библиотекаэзын, дом культурыэзын, öтöрын.
Форум коста пондасö уджавны литературно-поэтическöй, молодежнöй, языковöй площадкаэз, чулаласö мастер-классэз, научно-популярнöй лекцияэз да фольклорнöй коллективвезлöн выступленнеэз.
Форум аркмöтiс Коми-Пермяцкöй этнокультурнöй центр.
Русский