Кудымкарын пондöтiс ассис удж «НЕСКАЗКИ» нима выставка – ассяма арт-проект, кöда йитö мифология да öння искусство. Сiя лоис помöн «Кинкӧ. Путешествие в мифологию коми-пермяков» нима арт-резиденция уджлöн, кöдаын участвуйтiс 21 серпасалiсь быдlс странаись. Нiя аркмöтiсö 60 уджся унажык быдкодь техникаэзын, кöдна мыччалöны коми-пермяцкöй мулiсь духхезлiсь, быличкаэлiсь да нетöдчана существоэзлiсь мир.
Проект лоис помöн «Кинкӧ. Путешествие в мифологию коми-пермяков»р нима арт-резиденциялöн уджлöн, аркмöтöм «Точка на карте. Точка интереса» программа сьöртi Пермскöй крайись культура сьöртi Министерство отсöтöн. «Кинкӧ» кылöн выставкавлöн аркмöтiссез пасйöны темалiсь таинственность да потусторонность, пырöны мирö, кöдаын öддьöн кокнита позьö кежны тöдчанаись нетöдчанаö. Эта «кинкö» — не просто коми-пермяцкöй мифологиялöн персонаж, а присутствие, кöда кывсьö быд керкуын, вöрын, ва дорын.
Проектлöн оланö пыртöм инициативаöн петiс лексикалöн да фольклорлöн öктiсь, коми-пермяцкöй культуралöн популяризатор Анастасия Кротова-Гарина, кöда сотрудничайтiс ООО «Гуд Стори Медиа»-кöт «Территория» сериаллöн Коми-Пермяцкöй округын аркмöтöм коста.
Арт-резиденцияын участвуйтiс 21 серпасалiсь Россияись 11 карись —Ирбитсянь да Перемсянь Великöй Новгородöдз да Москваöдз. Ны коласын – Россияись художниккез Союзлöн член Олеся Александровна Денисова. 2025 вося тулысöн участницаэз пырисö Анастасия Кротова-Гарина мифологическöй персонажжез йылiсь лекцияэзö , а гожумöн мунiсö пленэр вылö Кудымкарскöй муниципальнöй округись Ваганова деревняö. Татöн нiя пантасисö коми-пермяцкöй традицияэзлöн хранительницакöт Ольга Николаевна Старцевакöт.
«Менö оз вермы лэдзны чужан му вылiсь фольклор öктöмлöн опыт. Баббезлöн да деддэзлöн висьттэз духхез йылiсь, кöдна коласын – вöрись, баня чуд, суседко, икота да уна мöдiк поверье – этö культурнöй код, кöда пыр мекöт, менам сьöлöмын. Кытшöмкö моментö ме вежöртi, мый этна историяэзлö оз тырмö образзэз. Нiя олöны кыввезын, но корсьöны холст вылö. И öнi серпасалiссез команда отсöтöн, проектлöн участницаэз отсöтöн нiя ловзисö. Öкмыс тöлiсь сьöрна кыссис проект, квать лекций, уна звоноккез да оргмоменттэз. Талун мийö адззамö, кыдз быличкаэз лоöны искусствоöн», — висьталö проектлöн юралicь Анастасия Кротова-Гарина.
«НЕСКАЗКИ» – это новое прочтение фольклора. Здесь нет привычных «иллюстраций» – есть диалог современности и древнего мира. Каждая работа – как окно в пространство, где лес дышит, дом шепчет, а духи остаются рядом, даже если кто-то забыли их имена.
Выставка осьта посетителлез понда быдса ноябрь. Тöдсасьны сыкöт позьö Кудымкарын Культурно-Деловöй центрлöн выставочнöй залын (ул. 50 лет Октября, 12). Авторскöй экскурсияэз Анастасия Кротова-Гаринакöт да Ирина Вилесовакöт —запись сьöртi: +7 951 953 67 22. Билеттэз позьö босьтны Пушкинскöй карта сьöртi.
Проект сьöрын видзöтны позьö тг-канале Анастасии Кротовой-Гариной.
Русский