Чулöтöмлöн места: Кудымкар, Коми-Пермяцкий краеведческий музей им. П. И. Субботина-Пермяка (ул. 8-го Марта, 27).
«Ночь искусств» нима быдвося Россия пасьта чулöтöм акция сьöртi музей корö лоны матöжык Коми-Пермяцкöй округлöн культурнöй наследие дынö да пешлыны асьнысö серпасалiссезöн. Видзöтiссезöс видзчисьöны увлекательнöй экскурсияэз экспозицияэзöт да креативнöй мастер-класс.
Экскурсия «Нижний мир. Археологическое наследие». «Пера Маа отир» («Люди Дальней земли») нима экспозиция сьöртi гöссез тöдсасясö артефакттэзкöт, кöдна аркмисö Каменнöй вексянь Средневековьеöдз. Экскурсиялöн ассяма колорит керасö мир аркмöмлöн легендаэз, нiя содтасö историческöй повествованнё дынö мифологическöй контекст.
«Соберу себя охапкой листьев…» нима кскурсия йитöм Ольга Жданович творчествокöт — РФ-ын культура сьöртi заслуженнöй работник да Россияись серпасалiссез Союзлöн член. Художницалöн серпассэз отсалöны видзöтiссезлö адззыны йитöт чужан мулöн традицияэзкöт и вильмоза казявны сылiсь басöксö.
Кыкнан экскурсия вылö колö гижсьыны одзлань. Мероприятиеэз сiдзжö доступнöйöсь Пушкинскöй карта сьöртi.
Нима мастер-класс вылын «Нетрадиционное рисование» (колö гижсьыны) участниккез велöтасö серпасалöмлiсь ассяма техника бедёккезöн. Сiя зорöтö мелкöй моторика да креативнöй мышленнё.
«Плетение сувенирного лаптя» нима видео-мастер-класс Татьяна Надымовасянь, Перемскöй крайись да Россияись народнöй мастер, лоас доступнöй ноябрь 1 лунсянь музейлöн «Вконтакте»-ын официальнöй группаын.Видзöтiссез тöдасö традиционнöй кыйöмлiсь секреттэз, павкöтчасö народнöй промысел дынö удобнöй форматын.
Пыранiн музейö «Ночь искусств» акция коста сьöмтöм быдöс понда. Экскурсияэз вылö да мастер-классэз вылö позьö гижсьыны телефонöт: 8 (34-260) 4-50-91.
Русский