Этнокультурнöй центрын чулалiс «Пуксьы да ваксьы» ним увтын коми-пермяцкöй кыв вылын КВН-лöн фестиваль, йитöм Коми-Пермяцкöй округлöн сёвося юбилейкöт!
Сыын участвуйтiсö квать команда, быдыс кöдаись козьналiс видзöтiссезлö уна гаж: «Ёгвуси» (Кудымкарскöй округись). «Коми-роч» (Кудымкарись медодзза школаись), «ПоЧУДИм» (Пермскöй государственнöй гуманитарно-педагогическöй университетiсь), «Колхоз имени материнского капитала» (Коми-Пермяцкöй агротехническöй техникумись), «Кашкавда» («Югöр» нима котырись), «Семья Вотиновых» (Кудымкарись).
Командаэзлö колiс мыччавны асьнысö куим вермасьöмын: «Приветствие» «Олат-вылат, комиэз» тема вылö, «Биатлон» и «Музыкальное домашнее задание» «Вот и СЁ!» тема вылö.
Мыччасьöммез сьöртi вермиссезöн лоисö:
1 места — «Кашкавда»
2 места — «ПоЧУДИм»
3 места — «Семья Вотиновых»
Жюри сiдзжö козьналiс специальнöй приззэз:
- - Приз «Дебют» — «Коми-роч»
- - Приз «Лучшая шутка» — «Кашкавда»
- - Приз «Лучший музыкальный номер» — «ПоЧУДИм»
- - Приз «Лучшая мужская роль» — Леонид Васькинлö («Ёгвуси»)
- Приз «Лучшая женская роль» — Алина Сайкиновалö («Колхоз имени материнского капитала»)
- - Приз медбур сьылöм понда — Снежана Радостевалö («Кашкавда»), Ирины Ивенскихсянь, Госдумаись депутатсянь.
Аттьöалам быдöс орсiссесö козьналöм эмоцияэз понда, жюрисö да видзöтiссесö!
«Пуксьы да ваксьы» нима фестиваль лоис колана торöн томпöлöс коласын коми-пермяцкöй культура зорöтöм понда. Сiя чулалiс «Миян Парма» проект сьöртi и Перем крайись «Общество и власть» программа отсöтöн.
Фото: Коми-Пермяцкöй этнокультурнöй центр
Русский