Локтан шоччисян луннэзö, июль 26-27 луннэзö, Перем крайлöн ойвывся ладор лоас ловья культуралöн пространствоöн. Коми-Пермяцкöй округлöн сё во кежö чулаласö öткоста кынымкö событие, кöдна йитöмöсь öтiк идеяöн – кольны зорöтöм понда, торйöтчыны мöдiккезкöт да вильмоза овны коми-пермяккезлöн культурнöй наследие. Чердыньын, Кудымкарскöй да Косинскöй округгезын тöдсöтасö ритуаллэзöн, ремелоэзöн, музыкаöн да коми-пермяцкöй традициялöн öння интерпретацияöн., 26–27 июля, север Пермского края станет пространством живой культуры. В честь 100-летия Коми—Пермяцкого округа в регионе пройдут сразу несколько событий, объединённых одной идеей — сохранить, передать и по—новому прожить культурное наследие коми—пермяков. В Чердыни, Кудымкарском и Косинском округах познакомят с ритуалами, ремёслами, музыкой и современной интерпретацией коми—пермяцкой традиции.
«Зов Пармы» (6+) нима этно-ландшафтнöй фестиваль—ландшафтный фестиваль «Зов Пармы» (6+)
Места: село Серёгово, Чердынь (260 км Перемсянь).
Лун: 26-27 луннэзö.
Коми-Пермяцкöй округлöн сё во торья акцент программаын керöм коми-пермяккез культура вылö. Медшöр событиеöн лоас гӧтрасьӧмлӧн реконструкция национальнӧй сьыланкыввезӧн, обряддэзӧн да паськӧмӧн. Кочёвскöй округись локтас нёль этническöй коллектив, кöда сьылö коми-пермяцкöй фольклор.
Кудымкарскӧй этнокультурнӧй центрись кипода морттэз музейнӧй площадка вылын висьтасясö да мыччаласö традиционнӧй вышивка, кытшöм сiя вермас лоны öння дизайнын да аксессуаррезын. «Изба фольклориста» нима пространствоын орсасӧ коми-пермяккезлöн архаичнöй духовӧй инструменттэз — пӧляннэз. «Репей» (Москва) нима ансамбль мыччалас концертнӧй программа, кӧдаын сьывсясӧ «тексты заговоров, давние песни, наигрыши на старобытных духовых инструментах». Сiдзжö татöн висьтасясӧ традиционнӧй паськӧм йылicь да сы йылicь, кытшӧм сія ӧні.
«Гаврилов день» (0+) нима обрядовöй культуралöн фестиваль (0+)
Места: деревня Бачманово, Косинскöй округ (224 км Перемсянь).
Лун да кад: июль 26 лунö 10:00 часö.
Фестиваль пондöтчас крестнöй ходсянь да водосвятнöй молебенсянь, кöда чулöтсьö вöввезöс кулöмись спасеннё увья да символизируйтö Архангел Гавриилöc отсöт понда аттьöалöм. Сыбöрын гöссез вермасö участвуйтны ытшкисянлöн обряддэзын: велöтчыны кеслыны литовка, пешлыны вын ытшкиссез конкурсын да пешлыны ытшкисян павжун. Луннас деревня ловзяс бачмановскöй кадрильсянь – сё участник петас йöктыны медшöр улица вылö. Гöрдззисьöм радейтiссезлö чулöтасö йиэз кыйöм сьöртi, симöтiсь да ротангись берся керöм сьöртi мастер-классэз. Вежалуныс помассяс фольклорнöй коллективвез мыччасьöмöн да коми-пермяцкöй сёяннэз пешлöмöн. Мероприятие чклöтсьö «59 фестивалей 59 региона» нима проект сьöртi.
«Галерея вечеров. . Культовые люди»: : Екатерина Плотникова памятьлöн рыт (0+)
Места: село Кува, Кудымкарскöй округ.
Лун да кад: июль 26 лунö 19:00 часö.
Шоныт рыт йитöм тöдчана коми-пермяцкöй сьылiськöт, кöда гижис медадзза музыкальнöй пластинка чужан кыв вылын. «Исток» нима музейын, кытöн öктöм сылöн творческöй наследиеыс, öксясö Екатерина Плотниковалöн роднöйез, ёрттэз да коллегаэз. Гöссез кывзасö сылöн выступленнёэзлiсь гижöммез да баитасö национальнöй культуралöн зорöтöмö пуктöм пай йылiсь. Мероприятие чулöтсьö «Точка на карте. Точка интереса» нима программа сьöртi Перем крайись культура сьöртi Министерство отсöтöн.
«Ночью на Куве» нима романтическöй фестиваль (18+)
Места: село Кува, Кудымкарскöй округ, прудлöн дор.
Лун да кад: июль 26 лунö 21:00 часö.
Шондiпуксяндорö пруд дынын чулалас гожумлжy медатмосфернöй фестиваль. Программа пондöтчас арт-объектлöн торжественнöй осьтöмсянь. Сiя керöм местнöй материаллэзiсь: важ адззöм пöввезicь, керрезiсь, усьöм да чегöм уввезiсь – витлунся творческöй лагерьлöн Перемись художниккез кипод увтын пом.
Гöссезöс видзчисьöны:
• Ловья сьылöм: скрипач Михаил Витвицкий (Пермь) да саксофонист Александр Николенко (Пермь) орсасö тöдса хиттэз да романтическöй камернöй произведеннеэз, рок-группа «Оазис» (Кудымкар), акустика/фолк/панк – проект SPIRIN (Пермь) да Роман Матухин, «130 по встречной на старенькой Vespa» (Санкт-Петербург) нима группалöн солист «öзтасö» бипур дорын.
• Ойся кинотеатр öтöрын Строгановскöй заводлöн развалинаэз вылын, ойся Куваöт экскурсияэз.
• Мастер-классэз, сапборддэз да пыжжез вылын ысласьöм.
• Биа шоу.
• Йога югдандорын — ойлöн рамыник пом ва дорын.
Фестиваль чулалö «Точка на карте. Точка интереса» нима программа сьöртi Перем крайись культура сьöртi Министерство отсöтöн.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöc актуальнöй информация Коми-Пермяцкöй округлöн фестиваллез йылiсь верматö тöдны сайт вылын да социальнöй сеттезын.
Русский