Кудымкар август 20 лунсянь август 24 лунöдз пöртчас Прикамьелöн культурнöй сьöлöмö, кöдаын пондас чулöтсьыны «ЭТНОАВАНГАРД» нима фестиваль, кöда йитöм Коми-Пермяцкöй округлöн сё вокöт да художник-авангардисткöт Петр Субботин-Пермяккöт. Вит лун коста кар пондас овны искусстволöн, музыкалöн да билöн ритмын, традицияэз да öння творчество öтлаöтöмöн. Гöссезöс видзчисьöны креативнöй мастерскöйез, уличнöй арт-объекттэз, музейнöй остьöммез, музыкальнöй эксперименттэз, театральнöй перформанссэз да биа фаер-шоу. Кудымкар лоас пространствоöн, кытöн важыс пантасьö лоаныскöт, а этнокультура орсö вильмоза — мощнöя, современнöя да вдохновляющöя.
«Фестиваль «ЭТНОАВАНГАРД» — это Коми-Пермяцкöй округлöн духлöн да ассямалöн выраженнё, пос важ да лоан, традиция да инновация коласын. Мийö гордитчамö Коми-Пермяцкöй округлöн ассяма наследиелöн богатствоöн да радöн мыччаламö бы сiйö быдöслö искусстволöн виль формаэз пырйöт», — пасйö ПДНТ «Губерния»-лöн генеральнöй директор, фестивальлöн директор, Татьяна Марковна Санникова.
«ЭТНОАВАНГАРД»-лöн программа пыртö паськыт велöтчан программа. Сыö пырис нёль творческöй да креативнöй лаборатория, лекторий да музыкальнöй программа, кöдö мыччаласö Кудымкарлöн медшöр сцена вылын.
Креативнöй лабораторияэз
Лун: август 20-23 луннэзö
Куратор – Никита Клюев, бренд-стратег, образовательнöй проекттэзлöн куратор (г. Пермь).
• Дизайн-лаборатория Александра Захарова (Якутск) кипод увтын велöтас вежны традиционнöй орнаменттэз да пассэз öння айдентикаö, сувениррезлöн да полиграфиялöн концепттэзö.
• mmm.perm нима проектлöн аркмöтiccезлöн медиалаборатория осьтас ассяма креативнöй медиаконтент аркмöтöмлiсь секреттэз, кöдна отсаласö керны локальнöй история тöдчанаöн да привлекательнöйöн.
• Режиссер Иван Кустовлöн (Пермь) арт-лаборатория корас участниккезöс вежны Кудымкарлiсь облик временнöй уличнöй арт-объекттэз аркмöтöм пырйöт, кöдна чужисö карлöн визуальнöй коддэз отсöтöн.
Креативнöй лабораторияэзö локтасö дизайнеррез, ремесленниккез, художниккез, медиапрофессионаллэз, творческöй специальносттезöн студенттэз да быд морт, кин вуджöтö бы этнокультурасö 21 векö. Медодз, нiя творческöй индусртияэзiсь опытнöй профессионаллэз понда, но лöсяласö и нылö, кин радейтö экспериментируйтны формакöт, кошшыны виль вежöртассэз традицияын и лöсьöтчö пыртны нiйö оланö.
Биа жанрлöн лаборатория
Лун: август 20-23 луннэзö.
Лабораториялöн куратор — Мария Кадникова, биа шоулöн постановщик (Пермь).
Нёльлунся интенсив ны понда, кин кöсйö велöтчыны фаер-искусствоö: безопаснöй базовöй движеннёэзсянь поиэзöн да вееррезöн былься бикылöн репетицияэзöдз. Помассяс лаборатория зрелищнöй рытся шоуöн. Корöны участниккезöс 14 восянь.
Музейно-экскурсионнöй прокачка
Лун: август 21-23 луннэзö.
«ЭТНОАВАНГАРД» лоас мастерскöйöн экскурсоводдэз, музейщиккез понда да ны понда, кин уджалö культурнöй наследиекöт. Участниккезöс видзчисьö методическöй экскурсия Кудым-Ошлöн аллеяöт да практическöй кейссэзлöн серия Перем крайись опытнöй специалисттэзсянь.
Эксперттэз торйöтчасö увлекательнöй маршруттэз аркмöтöмлöн секреттэзöн, висьтасясö öння туристтэзлöy кöсйöммез йылiсь, гидлöн профессиональнöй быдмöмлöн этаппез йылiсь, а сiджö музейнöй экспозицияэз аркмöтöм йылiсь —идеясянь да дизайн-проектсянь осьтöмöдз. Лоасö видзöтöмöсь реальнöй примеррез: музей понда экскурсионнöй положеннё аркмöтöм, экспозицияэзлöн проектированнё, билетнöй системаэз уджлöн анализ да внедреннё. Интенсивы сны понда, кин петкöтö бы экскурсионнöй удж да музейнöй проекттэз качестволöн аудиториялöн вовлечённостьлöн виль уровень вылö.
«Поющей травы» нима лаборатория — музыка, миффез да творческöй погруженнё
Лун: август 21-23 луннэзö.
Куратор: Марина Крюкова, «Репей» (Москва) нима ансамбльлöн юралiсь
Коми-пермяккез миффезлöн да сьыланкыввезлöн мирö музыкальнöй путешествие. Участниккез уджаласö этническöй интсруменнтэзöн, гуляйтасö Кудымкарлöн мифологическöй местаэзöт да аркмöтасö äтласа музыкальнöй импровизация медбöрья концерт понда. Лаборатория лöсялас музыканттэзлö, фольклорлöн исследователлезлö, творческöй специальносттезлöн студенттэзлö да нылö, кин кывзö бы культурнöй вужжезлiсь ловья звучаннё.
Велöтчан лабораторияэзын участие понда ковсяс регистрация. Регистрация вылö ссылкаэз лоасö сетöмöсь Коми-пермяцкöй округлöн сё вопорйöтöм кежö аркмöтöм официальнöй аккаунтын акаунте 100-летия Коми-Пермяцкого округаа сiдзжö ПДНТ «Губерния»--лöн соцсеттезынтатöн да татöн).
Музыкальнöй программа (0+)
Лун: август 23-24 луннэзö.
Фестиваль öктас öтiк сцена вылын мастеррезöc, кöдналöн творчество öтлаöтö традиция да современность. Август 23 лунö краеведческöй музеяёйлöн залын «Репей» нима стариннöй крестьянскöй музыкалöн ансамбль Марина Крюкова кипод увтын пыртас видöтiссезöс подлиннöй деревенскöй напеввез да обрядовöй сьыланкыввез атмосфераö, а музыкально-театральнöй проект ЯRГАsoundsystem öтлаын Александр Леоновкöт мыччалас Коми-Пермяцкöй театрлöн Учöт сценалöн площадка вылын поэтическöй да звуковöй эксперименттэз, вдохновлённöйöсь роч авангардöн.
Август 24 лунö карись медшöр сцена вылын видзöтiссез кывзасö Петр Терменлiсь, атмосфернöй инструментальнöй полотноэзлöн мастерлiсь, «Музыку сфер» (терменовокс да неоэтническöй музыкалöн сочетаннё), кöда лоас öтлаын виртуоззэзкöт Ирина Богатырёвакöт (варган) да Алексей Шаповаловкöт (ханг). Чулалас мыччасьöм Дягилевскöй фестивальлöн быдпырся участниклöн Петр Главатскихлöн «Времена»нима проектöн, «Агидель» нима оркестрлöн да «Репей» нима ансамбльлöн участиеöн. Рытлöн помöн лоас музыкально-театральнöй перфоманс этноавангард стильын нима коллективлöн «Spokanki» (г. Москва).
Фестиваль «Этноавангард» является частью масштабного грантового проекта «Люди Дальней земли — пера Маа Отир», реализуемого при поддержке Президентского фонда культурных инициатив.
Уськöтамö тöдвылö, мый 2025 воö Коми-Пермяцкöй округ порйöтö аркмöмлiсь сё во. Тавося во шуöм коми-пермяцкöй кыв Воöн, и вежалунся мероприятиеэс лоисö ыджыт культурнöй программалöн торöн. Юбилейнöй событиеэзлöн программнöй дирекция - «Губерния» нима Пермскӧй дом народного творчества.
Русский