Июль 21 лунö Коми-Пермяцкöй национальнöй драмтеатрлöн площадь одзын мыччасясö Прикамьеись 16 творческöй коллективись 160 артистся унажык. Видзöтiссез адззыласö уличнöй спектакллез, цирковöй номеррез, ходуляэз вылын шоу да биа представленнэз. Мероприятие лоас Коми-Пермяцкöй округлöн сёвося культурнöй программалöн торöн. Пыранiн сьöмтöм.
Фестивальлöн пондöтчöм одзын Кудымкар шöрын быдöс понда оссяс «Улица моя родная» нима том серпасалiссезлöн пленэр. Уличнöй театррезлöн вежалун пондöтчас 17 часö мажореткаэзлöн ансамбльсянь, «Зеркальные люди Show me» (Пермь) нима уличнöй перформанссянь, «Каскад» (Пожва) цирковöй коллективсянь.
Одзлань вежалунся программасö пондасö нуöтны моднöй показзэз: ассиныс коллекцияэз мыччалас öткоста Кудымкарись кынымкö модалöн театр. Учöт гöссезöс видзчисьö «Тёплые уши» (Пермь) нима пермскöй театрись кык спектакль, «Мастерская» нима челядьлöн театральнöй студиялöн выступленнё да «Портал в мир Зощенко Пö» нима программа «Чемоданчик» (Кудымкар) студиясянь.
Фестивальлöн рытся торын видзöтiссез адззыласö пермскöй театррезлiсь представленнёэз: «Легенды о большой рыбе» «Пилигрим» нима студиялöн, «Люди и птицы» «Туки-Луки» куклаэз театрлöн, биа шоу «О чём молчат камни» «Игры пламени» биа театрсянь. Помын орсасö Коми-Пермяцкöй театрись «Матрёшки-disco» нима спектаклись музыкальнöй номеррез, чулалас «Шай-Май» нима фолк-группалöн выступленнё.
Анатолий Четин, Коми-Пермяцкöй театрлöн юралiсь:
— Мийö чулöтамö медодзза сэтшöм фестиваль, кöда петiс миян радейтана театр сайö. Это козин Кудымкарись быдöс олiссезлö да гöссезлö. Мы проводим первый подобный фестиваль, выбравшийся за стены нашего любимого театра. Это подарок всем жителям и гостям Кудымкара.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния». Коми-Пермяцкöй округлöн сё во кежö чулöтöм фестиваллез йылiсь актуальнöй информация тiйö верматö тöдны сайт вылын да социальнöй сеттезын..
Русский