2025 вося июль 10 лунсянь июль 13 лунöдз Перемын чулалас медодзза акт «ЛЮБИТÖМ» нима öння народнöй искусство сьöртi Россия пасьта фестиваль - культурнöй инициатива, кöда чулалö Перем крайись культура сьöртi Министерство отсöтöн. Пыранiн унажык событие вылö лоас сьöмтöм.
Фестиваль чулöтсьö Коми-Пермяцкöй округлöн 100 во кежö (6+), и пырö приоритетнöй повесткаö Россияись учöт йöззэзлöн виль культурнöй кодлiсь переосмысленнё сьöртi да народнöй культураэзлö, томпöлöслöн театрлö да межрегиональнöй культурнöй обменлö отсöт. Фестивальлöн мог – народнöй искусство кыдз ловья да öння инструмент регионнэз, поколеннёэз да идентичносттез коласын сёрнитöм понда мöдпöв видзöтöм понда осьта платформа аркмöтöм.
Медшöр аркмöтiссез
- Перем крайись культура сьöртi Министерство
- Сё во кежö событиеэзлöн программнöй дирекция – ГКБУК «Пермский дом народного творчества «Губерния»
- ГКБУК «Коми-Пермяцкий национальный драматический театр им. М. Горького»
- Театральнöй компания «НМХТ»
Фестиваль йылiсь
Коми-Пермяцкöй округлöн сё во кежö Перемын чулалас «ЛЮБИТÖМ» нима ассяма 100-часа фест коми-пермяцкöй йылicь. Медодзза актлöн локацияöн лоас Старокирпичнöй переулок — популярнöй арт-локация Перем шöрын. Фестивальлöн медодзза акт чулалас 2025 вося июль 10 лунсянь июль 13 лунöдз. Мöдiк акт чулалас август 21 лунсянь август 24 лунöдз Москваын. А пöдналас фестивальсö медбöрья куимöт акт Санкт-Петербургын сентябрь пондöтчикö. Быд акт быд карын чулалас 100 час коста и лоас пространствоöн коми-пермяцкöй культуралöн öння искусстволöн формаэзкöт пантасьöмöн: виль театркöт, музыкакöт, цифровöй медиакöт, визуальнöй проекттэзкöт да гастрономиякöт. Программа лоас насыщеннöй, ловья да доступнöй быд возраст да поколеннё понда —подростоккезсянь баб-деддэзöдз.
Формат да программа йылiсь
- Фестиваль быд карын пондас уджавны 100 час да йитас быдпырся да öння перформативнöй форматтэз:
- Театр: иммерсивнöй да сайт-специфичнöй спектакллез, медиапостановкаэз
- Музыка да перформанссэз: рейввез, концерттэз, танцевальнöй проекттэз коми-пермяцкöй стильын
- Медиа: цифровöй инсталляцияэз, подкасттэз, перформативнöй выставкаэз
- Кульминация — иммерсивнöй перфорыт «Коми-Пермяцкое». Фестивальлöн медбöрья событие— аудиовизуальнöй перформативнöй рыт öтöрын, кöдаын — коми-пермяцкöй музыка, йöктаннэз, поэзия да гастрономия.
Унажык фестивальлöн медодзза акт йылiсь Перемын
Сайт-специфик спектакль «Улетают птицы» лоас лöнькöт да памятькöт пантасьöмöн. Некытшöм пукаланiн – дзик вöрва, лолалöм да кайез. «Прикосновение» чулöтас коми-пермяккез йылiсь “необряд”, кöдаын быдöc видзöтiссес лоасö матöжык öтамöдлö. «Один день с коми-пермяком» — медиаспектакль, кыдз документальнöй TikTok важ кадiсь: хроника, шы, чужöммез, йöз лоö аслат. «К реке» — камернöй история, кöдаын текст кывтö, кыдз ва: жагöна, нора да öддьöн матын. «Земля говорит» — перформанс сы йылiсь, кыдз история да öння кад öтлаасьöны перформативнöй искреннöй коллажö. Звуковöй прогулка «Звуры» лоас тöдса карись локацияэзлöн да ны шыэзлöн исследованнёöн коми-пермяцкöй кыв отсöтöн.
Шондiпуксяндорö «Коми-пермяцкий рейв» öтлаöтас диджей-сеттэз да фольклор, обряддэз да биттэз. «Коми-пермяцкие ночи» — лайввез кодзуввез увтын, голосовöй сообщеннёэз ыббез вывсянь, модульнöй синтез да национальнöй шушкöм. «Коми-пермяцкий алфавит» — танцевальнöй перформанс мыгöр, кыв да вежöртас йылiсь, кöдаын быд шыпас — вöрöм, быд танец — текст. И медбöрья «Коми-пермяцкий спешл» отсалас пешлыны коми-пермяцкöй кухняись сёяннэз, керöм öння (реальнöй) кадын.
Памятьлöн политика коми-пермяцкöй фестиваль вылын
Событиеэзся фестиваль лöсьöтö авторскöй мерчлiсь лимитированнöй серия уезднöй андеграундлiсь эстетикаын фольклорнöй мотиввезöн. Нельки фестиваль бöрын Яндекс.Музыка вылын лоас доступ «Подкасты на коми-пермяцком» дынö — почти ASMR, но пытшкöсöн да месталöн ловöн. Спектакллезлöн цифровöй отпечатоккез Telegram-ын — театр, кöда одзлань олö мобильнöй гаджетын. И, конечно, «100 часов про Любовь» — медиаархив, кытöн чужöммез, керкуэз, берся ловзясö цифровöй средаын.
Мыля сiя колана?
Фестиваль «ЛЮБИТÖМ» — не только культурнöй событие, но и локальнöй культурнöй формаэзлöн, кореннöй народдэзлöн кыввез зорöтöм сьöртi, томпöлöслöн пай страналöн культурнöй оланын ыждöтöм сьöртi долгосрочнöй федеральнöй стратегиялöн тор.
Фестивальлöн ыджыт задача - коми-пермяцкöй культуралöн да кывлöн сохраненнё, популяризация да ретрансляция не только миян страна пасьта, но и сы сайын.
Проект чулöтсьö малонаселеннöй регионнэзын устойчивöй культурнöй инфраструктура аркмöтöм, инклюзивнöй театрлöн зорöтöм, локальнöй идентичностькöт да кыввезлöн разнообразиекöт удж понда. Быдöс нiя керöны фестивальсö федеральнöй культурнöй политикалöн колана торöн, кöда йитöм Россиялöн многонациональнöй культурнöй кодлöн сбереженнёкöт да обновленнёкöт.
Кыдз шедны?
Пыранiн унажык событие вылö лоас сьöмтöм. Öтöрся активносттез вылö вермас шедны быд морт. Медбы павкны событиеэз вылö, кытöн эмöсь вместимость сьöртi ограниченнёэз, колас мунны предварительнöй регистрация. Проекттэзлöн неыджыт торö позяс шедны билеттэз сьöртi. Унажык регистрациялöн осьтöм йылiсь да билеттэзлöн вузалöм йылiсь позяс адззыны НМХТ нима театральнöй компаниялöн официальнöй каналлэзын вконтактеын (https://vk.com/nemhat) да телеграмын (https://t.me/nemxat).
Событиеэзлöн аккредитация вылö, интервьюэзлöн аркмöтöм, унажык материаллэз да партнерскöй спецпроекттэз сьöртi юасьöммезöн:
Ксения Смирнова
Пресс-служба фестиваля «ЛЮБИТÖМ»
+7 (996) 082-49-98
VK: https://vk.com/k.smirnovaa
Театральная компания НМХТ
Русский