22 апреля 2025 года состоялся заключительн2025 вося апрель 22 лунö чулалic коми-пермяцкöй кыв сьöртi велöтiссезлöн краевöй олимпиадалöн медбöрья очнöй тур, а сiдзжö велöтчиссезлöн, кöдна участвуйтiсö Россияись чужан кыввез да литератураэз сьöртi федеральнöй олимпиадаын Коми-Пермяцкöй округись велöтчиссез коласын, награжденнё. Поздравляйтамö быдöс вермиссесö да призеррэсö!
Велöтiссез олимпиадалöн участниккез медодз керисö гортся удж – лöсьöтiсö чужан кыв вылын аннотацияэз коми-пермяцкöй гижисьлöн Великöй Отечественнöй война йылiсь кытшöмкö öтiк произведенннё дынö, а очнöй этап сулалiс куим заданнёись. Медодзза – тест, кöдаö пырисö юасьöммез педагогика, ФГОС, коми-пермяцкöй кыв да литература, а сiдзжö образованнё сфераын государственнöй политика сьöртi.
Мöдiк задание - лöсьöтны урок дынö технологическöй карта (уроклöн тип – виль тöдöммез осьтöм). Творческöй испытаннёöн участниккез понда лоис в коми-пермяцкöй кыв вылын класснöй час лöсьöтöм, йитöм Коми-Пермяцкöй округлöн сё вокöт.
Заочнöй да очнöй этаппез бöрын экспертнöй комиссия бöрйис медбуррезöс. Вермиссезöн лоисö Татьяна Гусельникова (Гуринскöй СОШ) и Надежда Тарасова (Сервинскöй ООШ).
Вермиссезöс да призеррезöс донтiсö дипломмезöн да приззэзöн, а сiдзжö специальнöй приззэзöн «Югор» обществосянь.
Быдöссö олимпиадаын участвуйтiсö 19 педагог – начальнöй классэзiсь да коми-пермяцкöй кыв сьöртi велöтiссез Перемскöй крайлöн Гайнскöй, Косинскöй, Кочевскöй, Кудымкарскöй да Юсьвинскöй районнэзiсь.
Одзжык велöтчиссез коласын чулалiс федеральнöй олимпиада Россияись чужан кыввез да литератураэз сьöртi. 3 степеня дипломмез босьтiсö МБОУ «Больше-Кочинская СОШ»-ись велöтчиссез Алексей Чедов, Алексей Дружинин, Диана Пичугина, Дарья Шилоносова (велöтiсь – Алена Рачева).
Фотоэзлöн источник: «ВКонтакте»-ись группаэз МБОУ «Больше-Кочинская СОШ», КПИПКРО, Велöтiсь.
Русский