Коми-пермяцкöй Ыджыт лунлöн порйöтöм öктiс Архангельскöйын Коми-Пермяцкöй округись быдкодь районнэзicь, Кудымкарись да Перемись олiссезöс. Нiя адззылiсö лунвывся коми-пермяккезлiсь традиционнöй ритуаллэз да лоисö торöн ыджыт тулысся вежалунлöн, кöда мыччалö ловлiсь сöстöмтöм да öтлаöтöм. «Вежалун Ыджыт лун» в селе Архангельском собрало жителей районов Коми-Пермяцкого округа, Кудымкара и Перми. Они увидели традиционные ритуалы южных коми-пермяков и стали частью большого весеннего праздника, символизирующего обновление, духовное очищение и единение.
Эта воö Ыджыт лунлöн порйöтöм Архангельскöйын чулалic витöтiсь. Мероприятие, кöда уськöтö тöдвылö да мыччалö коми-пермяцкöй традицияэз, аркмöтö «Ассяма горт» нима национальнöй культуралöн центр.
Альбина Баяндина, «Ассяма горт» нима национальнöй культуралöн центрлöн директор: Баяндина, директор центра национальной культуры «Ассямагорт»:
— Мийö чулöтамö Ыджыт лунлiсь порйöтöм Архангельскöйын 2021 восянь, сэксянь, кöр лоимö Перем крайлöн культуралöн центрöн. Лöсьöтчыны вежалун кежö мийö пондöтамö öддьöн одз, думайтамö интереснöй площадкаэз, мастер-классэз вылын, медбы отирлö, кöдна локтöны миян ордö Ыджыт лун кежö, гленитчис. Быд во мийö cувтöтамö виль Пасхальнöй спектакль, таво сiя шусис «За тихой рекою». «Ассяма гортлöн» кöсйöммез не только сыын, медбы аслыным тöдны традицияэзнымöс, но и торйöтчыны нiйöн челядькöт, кöдна пыр участвуйтöны миян вежалуннэз вылын, ыджытлунся да розосвося ветлöтöммезын. А гырись йöз поддерживайтö, аттьöалö чöскытторрезöн – сiдз традицияэз пыр аркмö крепытжык йитöт поколеннёэзлöн.
Настроеннё гöссезлö аркмöтiс 10 народнöй сьылiсь да йöктiсь коллектився унажык Архангельскöйись, Перем крайлöн Юсьвинскöй, Кочевскöй, Нытвенскöй районнэзiсь да Перемись.
Кылiс благодатнöй Пасхальнöй перезвон, чулалiс волочёбнöй обряд — народнöй орсаннэзöн посадöт торжественнöй мунöм. Дом культурылöн сцена вылын мыччалiсö традиционнöй Пасхальнöй спектакль — орсiссезöн сэтöн лоисö посадiсь олiссез, гырись йöз да челядь.
Анна Кривощекова, Архангельскöй сельскöй дом культурылöн заведующöй:
— Ыджыт лунлöн порйöтöм Архангельскöйын мунö «59 фестивалей 59 региона» нима фестиваль сьöртi «Губерния» нима Перемскöй дом народного творчества отсöтöн, мийö аттьöаламö вына наставниккезнымöс. Ыджыт лун —коми-пермяккез понда öддьöн тöдчана вежалун, медшöр воын. Мийö одзлань бы сетамö сiйö, мый сетiсö миянлö баб-деддэзным. Талун челядь радöн участвуйтiсö волочёбнöй обрядын, мунiсö улицаэзöт, Енкöт баиттöн! И мийö кöсъямö, мый эта традиция вуджас ны челядь дынö.
«Пасхальный торжок» нима ярмарка вылын вежалунлöн гöссез вермисö босьтны местнöй фермерскöй продукттэз да народнöй мастерезлiсь уджжез, чулалiсö гастрономическöй да ремесленнöй мастер-класссэз, кыдз, например, ыджытлунся кольть понда идзасiсь подвеска керöм.
Глафира Утёмова, вежалунлöн гöсь:
— Ме занимайтча народнöй творчествоöн, сьыла роч народнöй сьыланкыввез. Менам вöлi ыджыт кöсйöм локны Ыджын лун вылö басöк местаö, кытöн лоас ыджыт вежалун, участвуйтны вежалунся программаын и тöдны мыйкö вильö места йылicь да отир йылiсь, кöдна сэтöн олöны. Öддьöн гленитчис атмосфера Чинагортiсь Дом ремеселiсь, деревняын, лöнь, югыт, ме участвуйтi салфетка вылын набойка сьöртi мастер-классын. Эшö мийö кайлiмö колокольня вылö, ме пондылi звонитны колоколлэзö, эд талун быдыслö позис. Бур, мый керисö сэтшöм ассяма вежалун!
Вежалун вылын позис тöдсасьны коми-пермяккезлöн кулинарнöй традицияэзкöт, пешлыны кулиггез — картошкаись шаньгаэз — и мöдiк коми-пермяцкöй Ыджыт лунлöн традиционнöй чöскытторрез.
Вежалун осьтöмын Ыджыт лунöн поздравитiс Коми-Пермяцкöй округлöн юралicь Алексей Плотников.
Фото: Алексей Гречищев.
Русский