Чулöтöмлöн места: Кочёвскöй муниципальнöй округ, деревня Кукушка.
Обрядовöй вежалун «Стрöча» пондöтчас асывсянь деревняись керкуэзын öтлаöн фестивальлiсь гöссезкöт - Кочёвскöй районiсь да Перем крайись фольклорнöй коллективвезкöт.
Сэсся Сеполь ю дорын чулалас кыдз величайтöмлöн традиционнöй обряд хороводдэзöн, гаданнёэзöн, орсаннэзöн, национальнöй сёян керöм да юркытшшез кыйöм сьöртi мастер-классэзöн. Басöк обрядовöй вежалун быд во гажöн панталö нiйö, кин интересуйтчö округлöн этнокультурнöй зорамöмöн.
Русский