Эта йылicь висьтасисö тг-канале бара «Любительская Энология»нима барлöн тг-каналын. «Ме понда сiя öддьöн личнöй. Менам айö коми-пермяк, и этна кöррес мекöт учöтсянь. Ме мöдi мыччавны нiйö не только кыдз историялiсь тор, но и кыдз öння гастрономия. Коми-пермяцкöй кухня вермас лоны актуальнöйöн и интереснöйöн талун, лыддьöтны кö да висьтасьны сiйö правильнöя, - висьтасис шеф-повар Георгий Боталов.
Спешл-менюö пырис кынымкö сёян: картошкаа шаньга жаритöм огуреццезöн, курöгись рулетöн да курöг жуöн; салат соленьеэзöн да горись гортся колбасаöн; телячьöй щёчкаэзiсь да маринуйтöм патиссоннэзiсь полба. Специальнöй меню лоас öння неделясянь сентяб поимöдз.
Уськöтамö тöдвылö, мый Перемын сiдзжö чулалас «Дикоросы» (0+) нима фестиваль. Татöн паськöтасö 15 метра ыжда пызан коми-пермяцкöй сёяннэзöн. Торжество чулалас Коми-Пермяцкöй округлöн се во увья. Пермская, 57-лöн пытшкись двор лоас ыджыт вежалунся площадкаöн, кытöн гöссезöс вердасö медбур сёяннэзöн Перемись да кудымкарись шеф-поваррезсянь. Баббез – важ рецепттэз видзиссез – висьтасясö, кыдз керны сёяннэз, тöдсаöсь быд понда челядь кадсянь, кин быдмис уральскöй му вылын. Мероприятиеэз чулаласö август 30 лунö, 12:00-сянь 19:00-öдз Пермская, 57 вылын (пытшкись двор).
Пыранiн сьöмтöм.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Вежалунся событиеэзлöн программнöй дирекция — Пермский дом народного творчества «Губерния».
Коми-Пермяцкöй округлöн сёвося фестиваллез йылiсь быдöс актуальнöй информациясö верматö тöдны сайт вылын да социальнöй сеттезын..
Русский