Быдöс Россия пасьта «Прикамские искорки» нима трамплинсянь лыжаэз вылын чеччалöм сьöртi да лыжнöй двоеборье сьöртi соревнованнёэз чулалiсö Кудымкарын март 9 лунö. Мероприятие лоис торлöн событиеэзлöн, кöдна чулöтсьöны Коми-Пермяцкöй округлöн сё во кежö.
Соревнованнёэз öктiсö 150-ся унажык участниккезöс Красноярскöй крайись, Свердловскöй, Челябинскöй, Кировскöй да Московскöй областтезiсь, Башкортостан Республикаись, Татарстан Республикаись, Нижньöй Новгородiсь и Перемскöй крайись.
Перемскöй спортшколаись велöтчись Савелий Швецов медодзза попыткасянь сувтöтiс рекорд кузя сьöртi 50-метрася трамплин вылын чеччöвтöм коста. Сiя чеччöвтiс 47 метра мымда. Перемись команда лоис вермисьöн медаллез сьöртi: босьтiс квать золотöй, öтiк серебрянöй да кык бронзовöй. Мöдöдз места – Кудымкарлöн, куимöт – Лысьвалöн.
Соревнованнёэз чулöтсьöны 2015-öт восянь. Таво нiя пырисö Коми-Пермяцкöй округлöн сёвося вежалунся мероприятиеэз коласö. Спортивнöй, культурнöй, образовательнöй событиеэз во коста чулöтсясö округлöн быдöс муниципалитеттэзын.
Русский