Чулöтöмлöн места: база отдыха «Раздолье-Троица», село Троица.
Фестиваль öтлаöтас öння музыка, народнöй ремесленнöй да гастрономическöй традицияэз, художественнöй выставкаэз, мастер-классэз да активнöй шоччисьöм.
Сылва ю дорын мыччасяс 100 артистся унажык. Öння сьылiссез коласын — Лампабикт, ELLA, Егор Сесарев, «Обстоятельства» нима поп-рок-дуэт, группа Passmurny. Фестиваль вылын мыччасясö и Перем крайись фольклорнöй ансамбллез: «Шондiбан», «Мича Асыв», «Лысваок», «Вежалун» нима коми-пермяцкöй сьыланкыввезлöн театр, М. Горький нима Коми-Пермяцкöй национальнöй драматическöй театрись артисттэз.
Фестивальлöн гöссез адззыласö Петр Субботин-Пермяклöн - медодзза серпасалiсьлöн-авангардистлöн - уджжезлiсь выставка, участвуйтасö творческöй мастерскöйезын да народнöй орсаннэзын, ремеслоэз сьöртi да коми-пермяцкöй кыв сьöртi мастер-классэзын. Фестиваль вылын пондас уджавны рынок еды, а ремеслоэзлöн ярмарка мыччалас локальнöй бренддэз да кипода морттэзлiсь берся. Гöссезöс видзчисьöны шоччисян зонаэз, ассяма фотозонаэз да быдöс семья понда спортивнöй активносттез.
«Раздолье Фест» фестиваль коста чулалас сьылiссезлöн вермасьöм. Кöсйиссез вермасö сетны заявка куим номинацияö: роч кыв вылын рок-каверрез, авторскöй музыка да народнöй/этническöй музыка.
Фестивальлöн официальнöй сайт — razfest.ru
Проект чулалö культурнöй инициативаэзлöн Президентскöй фонд отсöтöн.
Русский