Кудымкарскöй округ пöртчис ыджыт вежалунся площадкаö. Локтан шоччисян лунö, сентябрь 6 лунö, Верх-Юсьваын гöссезöс видзчисьö «Ай да Рыжик!» нима вежалун местнöй продукттэзлöн да арся чöскытторезлöн ярмаркаöн, «Грибник года» нима конкурсöн да мастер-классэзöн. Рытнас Культурно-деловöй центрын ловзяс легендарнöй клуб «Суббота» — Кудымкарись советскöй томпöлöслöн культовöй места, кытöн бöра чулаласö концерттэз да дискотека.
«Ай да Рыжик» (0+) нима народнöй вежалун
Лун да кад: сентябрь 6 лунö 12:00 часö.
Места: Верх-Юсьва дынын кушин вылын, Кудымкарскöй округ (175 км Перемсянь).
Фестиваль чулалас 22-ись да öктас коми-пермяцкöй кухнялiсь, сьыланкыввезлicсь, йöктаннэзлiсь да «тихöй охота»-лiсь быдöс радейтiссесö. Медшöр событие - «Грибник года» нима конкурс. «Тихöй охота»-лöн радейтiссез мунасö вöрö, а медшудаыслö козьналасö званнё «Лучший грибник – 2025».
Гöссезöс видзчисьö «Осеннее лукошко» нима ярмарка местнöй производителлезлöн сельхозпродукцияöн, чöскыт шыд с дымком бипур дорын да кулинарнöй практикум «Пельнянькерись», кытöн позяс велöтчыны керны традиционнöй коми-пермяцкöй пельняннез. Атмосферасö аркмöтасö народнöй сьыланкыввез, йöктаннэз да творческöй коллективвезлöн мыччасьöммез. Челядь понда оссяс «Краски осени» нима орсан зона конкурссэзöн да викторинаэзöн, а ёрттэзлöн да коллегаэзлöн командаэзлö – гажа «Грибной тимбилдинг».
Финалöн лоасö «Щедрый рыжик» нима лотереялöн розыгрыш да Перемись «Воскресение» нима ансамбльлöн да «Иваны» группалöн концерттэз. Пыранiн сьöмтöм.
«Культовые люди». «Суббота» нима рыттэзлöн галерея.
Лун да кад: сентябрь 6 лунö 21:00 часö.
Места: Кудымкарись Культурно-деловöй центрлöн учöт зал (199 км Перемсянь).
«Суббота» нима клуб советскöй кадö вöлi местаöн, кöда кыскис ас дынас Кудымкарись да матiсь местаэзiсь томпöлöс: татöн орсiс музыка, чулöтчисö дискотекаэз да чужис карлöн культура. Эта рытö КДЦ шедас сiя кадся атмосфераö. Программа йитасö клублöн аркмöтiссезлö – серпасалiсьлö да архитекторлö Олег Тотьмянинлö, а сiдзжö звукорежиссерлö да диджейлö Юрий Старцевлö. Видзöтiссезöс видзчисьöны диджейезлöн музыкальнöй сеттэз, клублöн «золотöй эпоха» йылiсь воспоминаннёэз да йöктаннэз 80-öй да 90-öй воэзся дискотека вылын. Проект чулöтсьö «Точка на карте. Точка интереса» нима программа сьöртi Перем крайись культура сьöртi Министерство отсöтöн.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын да социальнöй сеттезын..
Русский