КВН-лӧн Медодзза Лигалӧн (чулалӧ сія Перем крайын) аркмӧтіссез, кӧдна ӧтлаын региональнӧй властькӧт лыддьӧны 2025 во коми-пермяцкӧй кывлӧн воӧн, керисӧ тавося КВН-лӧн Медодзза Лигалісь символнас мармеладісь Ошӧс. Сія лоас цифровӧй инфлюенсерӧн, кӧда пондас нуӧтны КВН-лісь томпӧлӧс понда формат крайлӧн да страналӧн быд пельӧсӧ.
КВН-лӧн Медодзза Лига чулӧтсьӧ крайын нёльӧтісь. Куим одзза воӧ чулалісӧ 48 премьернӧй эфир, а 14 выпускник Медодззаись шедісӧ Высшӧй лигаӧ. Перем крайись губернатор Дмитрий Махонин инициатива сьӧрті Медодзза Лига кольччас Перемын эшӧ ӧтік во кежӧ.
1/4-лӧн орсаннэз чулаласӧ Перемын июнь 26–28 луннэзӧ. Гожумся КВН-лӧн Высшӧй Лигаись Вермиссезлӧн Кубок мунас август 10 лунӧ. Колӧ висьтавны, мый КВН — сідзжӧ радейтана орсан коми-пермяккез понла. Апрельын чулаліс «Пуксьы да ваксьы» нима КВН-лӧн Открытӧй фестиваль коми-пермяцкӧй кыв вылын, йитӧм окркглӧн сёвося юбилейкӧт. Сыын орсісӧ квать команда. Вермисьӧн лоис «Кашкавда» (Общество радетелей коми-пермяцкого языка и культуры «Югöр»).
Русский