Виль велöтчан курс аркмис Перемскöй государственнöй национальнöй исследовательскöй университет (ПГНИУ) программаын медодззаись. Сiйö чулöтö велöтiсь да коми-пермяцкöй кыв йылiсь научно-популярнöй блог аркмöтiсь – Екатерина Федосеева. Элективнöй курс чулöтсьö куим тöлiсь сьöрна и осьта быдöс факультеттэз вылicm велöтчиссезлö. Инициатива йитöм Коми-Пермяцкöй округлöн сё вокöт да чулöтсьö Прикамьелöн кореннöй народлöн языковöй наследие зорöтöм понда.
Программа пыртö ас пытшкас 21 занятие. Студенттэз велöтöны базовöй лексика да грамматика, уджалöны баитöм вылын, велöтчöны аркмöтны кокнит сёрникузяэз да сернитöммез. Кыдз висьталö Екатерина Федосеева, медшöр мог - велöтчыны висьтасьны ас йылiсь да вежöртны кывлiсь носителлезöс базовöй уровень вылын.
Таво курссö бöрйис 17 велöтчись. Ны коласын – лоан лингвисттэз, геологгез, биологигез а сiдзжö философско-социологическöй факультетiсь студенттэз. Унажыкыс локтiс асланыс могöн: кинлöнкö родвужын вöлiсö коми-пермяккез, и нiя кöсйöны павкöтчыны чужан кульутра дынö. Мöдiккез висьталiсö, мый нылö интересно пешлыны асьнысö редкöй финно-угорскöй кыв велöтöмын.
«Ме понда колана адззыны, кытшöм мотивацияöн локтöны студенттэз. Кинкö тöдö ни кыв и велöтыштö бы грамматика, кинкö сiдз кутö бы йитöт родвужкöт. А öтiк нывка висьталiс: немецкöй да французскöй позьö велöтны пыр, а шанс велöтны коми-пермяцкöй – öтiк. Сэтшöм кыввез мыччалöны, мый колö не только кыдз заннятиеэзлöн набор, а кыдз вермöм лоны матöжык коми-пермяккезлöн культуракöт да историякöт», — пасйис Екатерина Федосеева.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Сё во кежö событиеэзлöн программнöй дирекция - Пермский дом народного творчества «Губерния».
Быдöс акутальнöй информациясö Коми-Пермяцкöй округлöн сё вося фествиаллез йылiсь верматö тöдны сайт вылын и в социальных сетях.
Русский