Кудымкарскöй округись Шадрина деревняын чулалiс «Сьöлöм бурмöтанки» нима альбомлöн презентация да «Пелысёк» народнöй вокальнöй ансамбль йылiсь фильм. Презентация чулалiс Коми-Пермяцкöй округлöн сё во увья да «Пелысёк» ансамбльлöн 15 во увья.
В новый альбом вошли 18 песен — народные коми-пермяцкие и русские композиции, а также авторские произведения участников коллектива. Он стал первой профессиональной аудиозаписью ансамбля за 15 лет его существования. Проект реализован сотрудниками АНО «АРТкад» (г. Кудымкар), привлечёнными специалистами, а также поддержан Министерством по делам Коми-Пермяцкого округа Пермского края.
«Пелысёк» аркмöтöм 2010 воö Шадринскöй сельскöй клубын. 15 во коста ансамбль лоис медтöдса да тöдчана коллективöн Коми-Пермяцкöй округись, босьтiс званнё «Народный» и неöтпыр вöлiс роч да международнöй фестиваллезлöн лауреатöн.
Коллектив йылiсь видеоролик мыччалiс видзöтiссезлö ансамбльлiсь история, сылiсь быдпырся олан да вежалуннэз, репетицияэз да выступленнеэз, а медшöрыс — отирöс, кöда радейтöмöн видзö да торйöтчö национальнöй традицияэзöн. Записсез доступнöйöсь быдöс кöсйиссеслö АНО «АРТкад»-лöн социальнöй сеттезын. Материаллэз лоасö велöтчан ресурсöн томпöлöс понда да культурнöй учрежденнёэз понда.
«Мийö сьыламö сы йылiсь, мый миянлö матын, и кöсъямö, медбы этна сьыланкыввес олiсö одзлань. Öнi миян эм альбом да фильм, кöдна кольччасö и томпöлöслö», — пасйис ансамбльлöн юралiсь Светлана Бражкина.
«Умöль, мый эта отирлöн поколеннё— традицияэзлöн медбöрья носителлез. Нiя шогмисö да быдмисö эшö традиционнöй бытын, полаттезсянь, аймам сьöрын видзöтлiкö, велöтчисö сьывны да йöктыны. Нiя кужöны быдöс — пöжавны нянь, керны сур, изны сю, печкыны, думайтны да баитны комиöн. Ны бöрсянь озö кольччö носителлез… Колö гижны нiйö, фото, видео, аудио вылö, кольны сiйö быдöс понда», — содтiс АНО «АРТкад»-iсь юралiсь Марина Белавина.
Уськöтамö тöдвылö, мый таво Коми-Пермяцкöй округ порйöтö аркмöмлiсь сё во. Сы увья 2025 во Перем крайись губернаторöн Дмитрий Махонинöн шуöм коми-пермяцкöй кыв Воöн. Вежалунся событиеэзлöн программнöй дирекция — Пермский дом народного творчества «Губерния».
Коми-Пермяцкöй округлöн сёвося фестиваллез йылiсь быдöс актуальнöй информациясö верматö тöдны сайт вылын да социальнöй сеттезын.
Фото: АНО «АРТкад»
Русский