2025 вося октябрь 30 лунсянь ноябрь 1 лунöдз Коми-Пермяцкöй национальнöй драматическöй театрын чулалас «Субботин-Пермяк. Мастерские» (6+) нима II челядь театральнöй творчестволöн фестиваль. Сыын участвуйтас 12 коллектив Перем крайись да Ханты-Мансийскöй автономнöй округись.
Событиелöн программаын челядь театральнöй коллективвезлöн творческöй уджжезлöн видзöтöм, нылöн экспертнöй донтöм профессиональнöй режиссёррезöн да педагоггезöн, актёрскöй мастерство, режиссура, сценическöй серни да сценическöй движеннё сьöртi мастер-классэз, экскурсияэз историческöй наследиелöн объекттэзлöн видзöтöмöн, коми-пермяцкöй йöзлöн культуракöт да традицияэзкöт тöдсасьöм.
Конкурснöй программа:
● Театральнöй коллектив «Кулиска» Д. Салимзяновлöн «Царевна Дуся» нима спектакльöн (Дворец детского (юношеского) творчества, г. Лысьва),
● Коми-Пермяцкöй театрись театральнöй студия «Мастерская» В. Медлöн «Баранкин, будь человеком!» нима спектакльöн (г. Кудымкар),
● Театральнöй студия «Мой театрик» И. Токмаковалöн «Сосны шумят» нима спектакльöн (д. Кондратово Пермскöй муниципальнöй округись),
● Театральнöй коллектив «ТониМы» Я. Новаклöн «Сны Риты» нима спектакльöн (Детскöй музыкальнöй школа, г. Лысьва),
● Народнöй музыкальнöй театр «Орфей» Д. Батинлöн, А. Марчуклöн «Страсти по Ивану Семёнову» нима спектакльöн (ПГДК им. А. Г. Солдатова», г. Пермь),
● Театральнöй коллектив «Живая шляпа» В. Фёдоровлöн «Урок литературы» нима спектакльöн (Детская школа искусств, г. Нягань Ханты-Мансийскöй автономнöй округись),
● Театральнöй коллектив «До» Д. Сидерослöн «Всем кого касается» нима спектакльöн (Детскöй театральнöй школа «Пилигрим», г. Пермь),
● Школьнöй театральнöй студия «Вместе» «Летучий корабль» нима спектакльöн (Северокоммунарскöй школа, п. Северный Коммунар Сивинскöй муниципальнöй округись),
● Театральнöй коллектив «Театр Юного Сылвенца» И. Эркенялöн инсценировка М. Хейфецлöн «Добро пожаловать в Матрасентану» нима спектакльöн, (Центр развития «Витамин роста», п. Сылва Пермскöй муниципальнöй округись),
● Детскöй театральнöй студия «Чемоданчик» А. де Сент-Экзюперилöн «Маленький принц» нима спектакльöн (г. Кудымкар).
Театр-студия «КОД» В. Богомололöн «Иван» нима спектакльöн (Дворец детского творчества, г. Пермь) мыччасяс конкурснöй программатöг.
Таво фестивальын участвуйтасö челядь «Ен из» нима видеостудияись Кудымкарскöй муниципальнöй округлöн Ошибскöй школаись. Студиялöн фильммез неöтпыр вермисö тöдчана кинофестиваллезын Всероссийскöй да международнöй уровеннез вылын. Том киноделлэз отсаласö, а сiдзжö снимайтасö событие йылiсь документальнöй фильм.
Показзэз помын экспертнöй совет бöрьяс фестивальлöн Гран-при видзисьöс да «Лучший актёр», «Лучшая актриса», «Специальный приз жюри» нима номинацияэзын вермиссезöс.
Фестивальлöн эксперттэз:
● Марина Оленёва — «Новая Драма» нима театрлöн художественнöй руководитель, РФ-ись культуралöн заслуженнöй работник, Пермскöй государственнöй институт культуры-ись режиссура да актёрскöй мастерство сьöртi кафедралöн кафедры;
Ирина Максимова — заведующöй актёрскöй мастерство да режиссура драмы кафедралöн отделеннёöн современнöй искусстволöн Институтiсь (Москва) Пермскöй академическöй Театр-Театрын;
Ксения Отинова — Коми-Пермяцкöй театрись актриса да режиссёр.
Фестиваль шуöм Петр Иванович Субботин-Пермяк –тöдса коми-пермяцкöй художниклöн нимöн. Этö тöдчана фигура Кудымкар да Перем край понда. Татöн сiйö донтöны не только кыдз серпасалiсьöс. Художественнöй мастерскöйез, краеведческöй музей, да и ачыс театрыс — быдöс эта шогмис сы участие отсöтöн.
1919 воö Субботин-Пермяк аркмöтiс художественно-производственнöй мастерскöйез Кудымкарын, Перемын да Кунгурын, кöдна лоисö базаöн Прикамьеын художественнöй образованнелöн. Аслас уджжезын Субботин-Пермяк йитiс коми-пермяцкöй народнöй искусстволöн традицияэз XX век пондöтчöмлöн художественнöй авангардлöн достиженнёэзкöт.
Сiя вöлi тöдса М. Горький нима МХАТ-iсь заслуженнöй артисткакöт Зинаида Сергеевна Соколовакöт, К. С. Станиславскöйлöн сойкöт. Отсалiс оформляйтны спектакллез, мый вайöтiс лоан тöдса художникöс чужан му вылын профессиональнöй театр аркмöтöмлöн идея дынö. Сiя вöлi пыртöм оланö сы нылöн, Ия Субботинаöн, Московскöй театральнöй техникумись (öнi ГИТИС) режиссёрскöй факультетiсь выпускницаöн. Öтлаын жöниккöт, Григорий Иванович Сикевскийкöт, сiя сулалiс Коми-Пермяцкöй театр аркмöтöмлöн истоккез одзын.
2026 воö Коми-Пермяцкöй округ порйöтас 140 во художник шогмöмсянь да тетарлiсь 95 во. «Субботин-Пермяк. Мастерские» нима фестиваль йитöм Коми-Пермяцкöй округлöн 100 вокöт да аркмöтöм Перем крайись культура сьöртi Министерство отсöтöн.
Русский