Коми-Пермяцкöй округлöн сё во кежö «Россия – Моя история» нима Историческöй паркын пондiс уджавны «Бур лун, ёрттэз! Здравствуйте, друзья!» нима выставка. Медшöр экспонаттэзöн лоисö инька костюмлöн образеццез, кушаккез, Лупья дорись коми-пермяккезлöн кокошниккез. Платтёэз да дубассэз учёнöйез вайисö этнографическöй экспедицияэзiсь. Татöн жö позьö лыддьöтны небöггез Пармалöн медодзза йöз йылiсь да сы культура йылiсь. Выставка пондас уджавны август 31 лунöдз. Шедны позьö билет босьтöм бöрын. Парк осьта вторниксянь кресенняöдз 10:00-сянь 19:00-öдз.
Русский