В Пешнигорте Пешнигортын апрель 29 лунö, кöр порйöтчö танецлöн Международнöй лун, чулалас памятьлöн рыт, йитöм Аркадий Лобановкöт — тöдчана балетмейстер-постановщиккöт, коми-пермяцкöй танецлöн велöтiськöт. Пыранiн быдöс понда сьöмтöм.
Мероприятиелöн кад: апрель 29 лунö 19.00 часö 29 апреля в 19.00
Мероприятиелöн места: Пешнигортскöй культурно-досуговöй центр (ул. Голева, 15) Пешнигортский культурно-досуговый центр (ул. Голева, 15)
Сцена вылö петасö Пармалöн кипода морттэз, öння танцевальнöй искусстволöн мэтррез — Аркадий Лобановлöн велöтчиссез: Елена Воробьева, Фаина Нешатаева, Ирина Андреева, Лариса Шварцбурд, а сiдзжö нылöн воспитанниккез. Мыччасяс «Ритм» нима мажореткаэзлöн да барабанщицаэзлöн школа, «Народный танец» ДЮЦ «Радуга» нима творческöй объединеннё, «Югöр» нима народнöй ансамбльлöн песни и танца танцевальнöй группа, «Акварель» нима эстрадно-спортивнöй танецлöн народнöй студия.
Видзöтiссез адззыласö тöдчана коми-пермяцкöй девичöй танец – туп-и-тап, сувтöтö Аркадий Лобановöн да мыччалöм 1977 воö концерт вылын Кремльын.
Коми-пермяцкöй танецлöн легенда
Аркадий Лобанов лоис тöдса «Югöр» нима народнöй танецлöн ансамблькöт, а сэсся — «Шондiбан» нима ансамблькöт уджалöм увья. Балетмейстерлöн талант да энергия отсöтöн вöлi сувтöтöмась уна постановочнöй номеррез, кöдна мыччалöны коми-пермяцкöй народнöй культуралiсь самобытность. Постановкаэз йитiсö традиционнöй танец öння хореографическöй приёммезкöт.
Творческöй деятельностькöт ордчöн Аркадий Лобанов уна велöтiс, торйöтчис аслас тöдöммезöн том танцоррезкöт да быдтiс артисттэзлiсь виль поколеннё. Сы руководство увтын аркмисö уна кужись исполнителлез, кöдна одзлань нуöтöны коми-пермяккезлöн национальнöй культура зорöтöмлiсь удж.
Кудымкарись тöдчана балетмейстерлöн ним лоис Уралicь кореннöй народдэзлöн наследие зорöтöмлöн символöн. 2025 восянь Кудымкарскöй муниципальнöй округын танецлöн вежалун пондас нуны ним Аркадий Лобановлiсь.
«Галерея вечеров. Культовые люди» йылicь
Памятьлöн рыт пырö «Галерея вечеров. Культовые люди» нима мероприятиеэзлöн серияö — этö проект «Точка на карте. Точка интереса» нима программалöн. Сы пытшкын — морттэз, кöдна пуктiсö ыджыт пай Кудымкарскöй муниципальнöй округлöн да Коми-Пермяцкöй округлöн зорамöмö.
«Галерея вечеров. Культовые люди» нима проект коста чулалic ни пантасьöм, йитöм Коми-Пермяцкöй округлöн культуралöн управленнёлöн одзза юралiськöт Надежда Минуллинакöт. Июль 26 лунö чулалас Екатерина Плотниковапамятьлöн рыт, коми-пермяцкöй сылiсьлöн, медодзза коми-пермяцкöй кыв вылын музыкальнöй пластинкалöн аркмöтiсь, сентябрь 6 лунö — «СУББОТА» нима клублöн пантасьöмлöн рыт — йитöм клуб аркмöтiссезкöт - кöда уджалic Юринскöй ДК-ын и уджалiс Кудымкарись томпöлöслöн культура вылын Олегу Олег Тотьмянинкöт да Юрий Старцевкöт. «Точка на карте. Точка интереса» нима программаöн Кудымкарскöй муниципальнöй округ 2025 воö лоис Перем крайлöн культуралöн центрöн.
Русский