Кад да уджлöн места: май 17 лунсянь - август 31 лунöдз, Кудымкар, Коми-Пермяцкий этнокультурный центр (ул. Студенческая, 9а)
Серпасалiсь Дарья Обирина живописнöй уджжезлöн персональнöй выставка, Губахаись серпасалiсь, висьтасьö коми-пермяцкöй мифологическöй существоэзлiсь историяэз.
«Учöтнам айö новйöтлiс менö аслас чужан муэзöт да висьтасьлiс уна ассямасö. Настя-колдуння йылiсь, кöда вöлi петöма вöрись, джодж увтiсь чуддэз йылiсь, менам прабаб-икотка йылiсь да учöт мулiсь мöдiк ассяма торрез йылiсь. Учöтнам менö öддьöнсö эз интересуйт, мый сiя сэтшöмсö висьтасьö — сказкаэз да и сказкаэз. Öнi менö дзик ваöн киськалiсö, и ме вежöртi, кытшöм колана менам история, — висьталö Дарья Обирина. — Родвужöлöн история, учöт чужанiнöлöн история. И вообще, кин олi миян одзын? Кин ветлöтiс этна иззэз кузя? Кин ветлöтiс пуись керöм вичкуэзö? Быдöс интересно видзöтны! Сiдз и пондöтчис менам уджжезлöн серия».
Дарья Обирина — Илья Глазунов нима живописьлöн, ваяннёлöн да зодчестволöн Российскöй академиялöн Уральскöй Филиаллöн велöтчись, ВТОО «Союз художников России»-ись Пермскöй отделеннёлöн Молодёжнöй объединеннёлöн член.
Русский