1.12.2025-25.01.2026
Чулöтöмлöн места: Пермь, Центральный выставочный зал (Комсомольский проспект, 10).
Коми-пермяккезлöн важ материальнöй культура да öння искусство выставка вылын йитсясö ассмяма сёрнитöмö. Проект лоас путешествиеöн кад пыр да мыччалас, кыдз традицияэз вдохновляйтöны öння твореццезлö.
Архивнöй фотографияэз тöдсöтасö коми-пермяккезлöн национальнöй костюммезкöт да обычайезкöт. Сiдзжö позяс адззывны öння художественнöй произведеннёэз, вдохновленнöйöсь коми-пермяцкöй традицияэзöн: ювелирнöй украшеннёэз, тканись уджжез. Торья выставочнöй пространство сетасö коcтюммезлö, эскиззэзлö да Коми-Пермяцкöй национальнöй драмтеатрись «Зарни Инь. Золотая Баба» нима спектакль сценографиялöн макетлö.
Символическöй границаöн традиционнöй культура да öння искусство коласын лоас ас киöн кыйöм занавес, кöда сайын видзöтiссез адззыласö мультимедиа-зал видеоинсталляцияöн. Сiя пыртас ловья фотографияэзлöн мирö движеннё да присутствие эффектöн. Экспозицияöт путешествие коста лоасö тöдса пермскöй фольклорнöй сьылiсьлöн Ирина Пыжьяновалöн, участников проекта «Международный Атлас Облаков» нима проектлöн участниккезлöн да этновокалисткалöн Дарья Калиналöн музыкальнöй композицияэз.
Русский