Чулöтöмлöн места:
Пермь, рестораны«УмамиКатико» (Комсомольский проспект, 7),
Usagi (ул. Пермская, 80), «Дом Третьяковой» (ул. Советская, 32),
Kebab Club (ул. Ленина, 45), «Игрушки» (ул. Революции, 20),
«One Гоги» (ул. Краснова, 14) и «Парадная» (ул. Куйбышева, 33).
Татöн лöсьöтасö специальнöй меню, йитöм коми-пермяцкöй культуралöн важ да öння кадкöт. Шеф-поваррез аркмöтiсö позицияэз öтлаын Коми-Пермяцкöй округись да Перемскöй крайись мöдiк территорияэзiсь семейнöй рецепттэз видзиссезкöт – быд сёян лоис историялöн да актуальнöй гастрономическöй веяннёэзлöн авторскöй йитöмöн.
Медшöрöн шеф-поваррез творчество понда лоис «Губерния» нима «Пермскöй дом народного творчества»-лöн удж, кытöн отсалöны зорамны и гастрономическöй наследиелö Прикамьеись йöзлö.
Семейнöй рецепттэзöн Перемын коми-пермяцкöй кухнялöн луннэз понда торйöтчисö традицияэзлöн видзиссез, кöднакöт сотрудничайтö «Губерния», кöдна коласын и Кудымкарскöй округись Мижуева деревняись «Бур сур» нима фестиваль аркмöтiссез, Кочёвскöй округись «Кукушка» нима ансамбльлöн участницаэз, Верещагинскöй округись Сепыч посадiсь «Верхокамье» да Юсьвинскöй округись Архангельскöй посадiсь «Ассяма горт» нима национальнöй культуралöн центр.
Русский